JOSIE
ILANG ORAS NA AKONG nakaupo lamang sa labas ng interrogation room kung saan ay kitang-kita ko mula sa one-way mirror ang loob. Tahimik lang akong naghihintay na dumating ang taong dahilan kung bakit naging miserable ang buhay ko nitong mga nakaraang araw. Si Sancho ay nakahalukipkip naman na nakatayo habang katabi ang Chief.
“She's here,” saad ng isang pulis.
Umigting ang panga ko nang makita ang taong 'yon na pumasok ng interrogation room kasama si Officer Collins. Mukhang naramdaman naman ni Sancho ang panginginig ko dahil sa galit kaya lumapit siya sa akin at hinawakan ako sa kamay. Kahit papaano ay kumalma ang aking sistema pero hindi pa rin naaalis ang galit.
“Lina Garcia, ako si Officer Collins. Ang kailangan mo lang ay sagutin lahat ng tanong ko,” saad ni Officer na ikin
