“I’ve missed you, Tinay. I’ve missed this.”
Nginitian ni Cristina si Corrine. “Ako rin. Ikaw naman kasi...”
“Eh, alam mo na `yon. Siyempre kailangan ko ng space sa lahat ng bagay at tao na nagpapaalala sa akin kay Mathias.”
Tumango-tango si Cristina, ganap na naiintindihan ang kaibigan. Nasa isang coffee shop silang dalawa. Noon ay hindi niya aakalain na magkakaroon siya ng kaibigan na katulad ni Corrine Arqueza. Hindi siya lumaking mahirap ngunit masyado pa ring malaki ang agwat ng kanilang estado sa buhay. Isang heredera si Corrine. Isang prinsesa. Ngunit madali namang nakakasundo ng lahat ang babae dahil napakabuti nitong tao. Hindi nito ikinokonsidera ang estado ng buhay bilang batayan ng pagkakaibigan.
Dahil dating nobya ni Chief Mathias si Corrine, madalas silang nagkikita sa o
