Inilibot ni Cristina ang paningin sa labas ng bahay ni Noah. Dinala siya ng nobyo sa bahay nito nang Sabado na iyon. Noong isang gabi ay nabanggit ni Noah na pasyalan naman daw niya ang bahay nito. Gusto ng lalaki ang apartment niya ngunit baka maganda kung paminsan-minsan ay sa bahay naman nito sila tumambay. Walang nakikitang masama si Cristina kaya kaagad siyang pumayag. Nais din talaga niyang makita ang bahay ng nobyo.
“Paano mo napagtitiyagaan ang apartment ko?” namamanghang tanong niya habang patuloy sa paglilibot ang kanyang mga mata. Inasahan kasi niya na sa isang condominium unit o bachelor’s pad siya dadalhin ni Noah. Hindi niya inasahan na totoong bahay ang tinitirhan nito. It was a lovely two-storey house. Ang pinakanakakamangha sa lahat ay mayroon itong malawak na bakuran. Wa
