Agad akong umalis sa aking pwesto nang makita kong balak pa akong saksakin ng samuraing isang kalaban ko. Agad kong nasalag ang pag-ataki nito sa akin. . . Talagang gigil na gigil ako rito nang bawian ko ito. Ngunit mabilis din itong nakailag sa pag-ataki mo. . .
Hanggang sa bigla itong umangat papunta sa ere. Ngunit mabilis kong pinitik ang aking karayom papunta sa aking kalaban. Nang makita ko itong bumagsak ay dali-dali akong lumapit sa mga Madre na ngayon ay nakahiga sa lupa. Apat silang Madre Saan kaya sila galing?
Nang pulsuhan ko sila ay naramdaman kong may hininga pa sila. Mukhang may gamit na pinainom sa kanila upang mawalan sila ng malay. Dali-dali kong kinuha ang maliit na botelya at agad na ipinatak isa-isa sa bibig nila. MAYAMAYA PA’Y kitang-kita ko ang pagmulat nila ng mga
