"JOAQUIN, ano ba ang problema mo? Nasasaktan ako, ano ba?" Pilit akong kumakawala sa pagkakahawak niya pero sa higpit nito ay hindi ko magawang magpumiglas.
Parang pinipiga ang braso ko sa sobrang higpit ng pagkakahawak niya sa akin. Kulang na lang ay kaladkarin niya ako sa sobrang bilis at laki ng mga hakbang niya. Ano ba ang problema niya? Bakit kung umasta siya parang may nagawa akong kasalanan?
"Mahal, pinagtitinginan na tayo ng mga tao, oh. Ano ba ang problema? Pwede naman natin 'tong pag-usapan sa bahay kung may nagawa man akong kasalanan sa 'yo, kahit sa tingin ko naman ay wala?" ulit kong tanong sa kaniya pero ni hindi ito tumigil man lang sa paghakbang.
Ni hindi rin sumagot. Mas hinigpitan pa nga nito ang hawak sa braso ko kaya napapangiwi na ako sa nararamdamang sakit at pani
