NAPADAING ako sa sakit na nararamdaman nang imulat ko ang aking mga mata. Masakit ang ulo ko at tila hinang-hina ang aking katawan. Damang-dama ko rin ang matinding sakit sa iba't ibang bahagi ng aking katawan partikular sa aking mga paa.
Agad na nag-unahan ang mga luha sa aking mga mata nang maalala ang mga naganap kanina. Hindi ko lubos-akalain na magagawa niya akong saktan nang gano'n na lang. Oo, minsan nagtatalo kami at nagkakasagutan, pero ni minsan ay hindi niya ako pinagbuhatan ng kamay, ngayon lang. Para akong prinsesa at babasaging kristal kung ituring niya, pero ngayon ay bigla na lamang siyang sumabog na parang bulkan.
Hindi rin malinaw ang dahilan kung bakit niya naisip na may lalaki ako samantalang wala naman kaming ginagawang masama ni Alexander nang makita niya kami sa el
