Joaquin
NAIHILAMOS ko ang magkabila kong palad sa aking mukha matapos ibaba ang cellphone ko sa mesa. Katatawag lang ni Michelle at sinabi nitong alam na ni Kathryn ang tungkol sa affair ko sa ibang babae. Buti na lamang pala dahil nagbura ako ng mga old messages sa phone ko, dahil kung hindi, nalaman na rin sana niya na ang bestfriend niya ang babae ko. Kung bakit ba naman kasi hindi ko naitago ang cellphone kong iyon? Napakamalas talaga!
Kaya pala gano’n na lamang ang reaksiyon niya kaninang umaga. Bigla na lamang niya akong itinulak, tapos halatang umiiwas pa. Ni hindi nga makatingin sa mga mata ko nang diretso at napakaaga pang umalis. Ang akala ko ay dahil masama lang ang loob niya dahil sa inasal ko bago ako umalis ng bahay kagabi. Iyon pala ay may nalaman na siya.
Nagpunta rin
