SINUBUKAN kong tawagan ang numero ni Greg ngunit makailang beses ko na itong tinawagan ay hindi pa rin ma-contact. Tila yata sinadya niyang patayin ang cellphone niya matapos akong padalhan ng mensahe para hindi ko matawagan. Tanging boses lang ng CSR ang paulit-ulit na naririnig ko mula sa kabilang linya.
Nadagdagan na naman ng isang katanungan ang isipan ko. Kung hindi si Greg ang ama ng ipinagbubuntis ni Michelle, eh, sino?
Kung paninira nga itong ginagawa ng damuhong iyon, puwes, hindi niya ako makukuha sa paandar niya. Bakit ko siya paniniwalaan?
Ang kapal ng apog! Siya na nga itong naglahong parang bula kasama ang kalaguyo, kung ano-ano pa ang sinasabi tungkol sa asawa niya. Gago lang!
Napapabuntong-hininga na lamang ako habang naglalakad patungo sa aming Department area. Nasa d
