“SASAMA ka ba kina Grace sa weekend?” kaswal na tanong ni Yllen Stacy kay Eduardo habang sabay silang palabas ng opisina nang hapong iyon. Uwian na nila. Alam niyang hindi pa bababa ng building ang binata. Magtutungo pa ito sa rooftop upang tingnan ang mga halaman nito.
Dahil dito ay mas naging maganda ang rooftop. Mas dumami ang mga halamang namumulaklak doon. Maaga itong pumapasok upang magdilig. Sa hapon bago ito umuwi ay binibisita muna nito ang mga halaman. Nasabi sa kanya ni Eduardo minsan na pinaplano na nitong magpagawa ng totoong greenhouse sa rooftop upang mas maraming halaman itong mailagay roon.
“I’m still thinking about it,” tugon nito sa kanyang tanong.
Nagplano ang ilang mga kasamahan nila na mag-beach sa weekend at niyaya sila ng mga ito. May beach house sa Batangas ang
