GUSTONG maiyak ni Megumi habang pinagmamasdan ang hapis na mukha ni Paolo. May ilan itong pasa sa mukha at may sugat sa ulo. Tulog ito nang maabutan niya sa ospital. Hinawakan niya ang kamay nito at masuyong hinaplos ang buhok. Kaya pala hindi mawala-wala ang pag-aalala niya dahil may nangyaring masama dito.
"Galing sila sa party kagabi nang mabunggo ang sportscar sa isang ten-wheeler truck. Lasing daw ang driver," paliwanag ni Felipe na nakatayo sa likuran niya. "Pero nakatakas ang driver at pinaghahanap ng mga pulis."
Tiniyak nito sa kanya na maayos na ang kalagayan ni Paolo habang bumibiyahe sila. Hindi masyadong delikado ang tinamo nitong pinsala dahil naka-seat belt ito. Ilang pasa sa katawan at isang sugat lang sa noo ang nakuha nito dahil hindi gumana ang airbag.
Nakakunot-noo ni
