Matapos ang sandaling sagutan ni Jac at Hernan na dati rin palang bodyguard na naging manugang ng mga De Vedra, dahil nabuntis nito ang anak ng amo, ay nag-decide na rin akong bumalik sa hospital.
Ngayon nga ay bumabyahe na kami pabalik sa hospital, pero pakiramdam ko ang tagal-tagal ng byahe.
Unti-unti nang bumibigay ang katawan ko—ramdam na ramdam ko na ang panghihina, ang pagod dahil sa takot na naramdaman ko kanina.
Akala ko kasi, katapusan ko na. Akala ko isa na ako sa matatamaan ng mga bala. Akala ko, wala na akong pagkakataon ma makita at masabi kay Nelson kung gaano ko siya ka mahal.
Hanggang ngayon nga—kahit kanina pa tapos ang nakakatakot na sandaling “yon, hindi pa rin mawala sa isip ko ang mga eksena.
Ang madilim na paligid, ang mga salitang binitawan ni Hernan, at ang
