((Nelson))
Matapos ang pabulong na bigkas ko sa pangalan ni Dorry, na ang sagot niya lang ay nanlalaki at lumuluhang mga mata, para namang na semento ang buong katawan ko; hindi ako makagalaw, hindi makapagsalita. Hirap na hirap ako na e-proseso sa utak ko ang aking narinig. Ang salitang binitawan ni Dorry… “Ako ang dahilan sa pagkawala ng baby namin." Salitang malinaw kong narinig at parang bombang sumabog sa harapan ko. Salitang sa tanang buhay ko, hindi ko akalain na maririnig.
Nakakawala sa katinuan; hindi iyon ang salitang gusto kong marinig mula sa kanya ngayon. Bakit ba ang lupit ng tadhana sa akin? Bakit ba hindi ako mawalan-walan ng problema? Pinaglihi ba ako sa problema? Nakakapagod ang buhay na ganito.
Ang saya-saya ko pa man din habang papunta rito. Ang saya-saya ko haban
