Lahat sila sa loob ng maliit na bahay ay nagtatakang napatitig sa dalawang batang lalaki na kagagaling lang mula sa pinsalang natamo. Ngunit sa ibang direksyon nakatingin si Dane. Pinagmamasdan niya ngayon ang batang babae na nakahalukipkip sa gilid. Panay pa rin ang iyak nito habang nakatitig sa kawalan.
“Semyo, ayos na ba ang pakiramdam mo? Ikaw Delom, ayos ka na ba? Ano ba kasi ang nangyari sa inyo?” sunod-sunod na mga tanong ni Gasha.
“Si-si Kashim? Na-nasaan si Kashim?” tanong ni Delom.
“Nakabalik ba siya rito sa bahay? Nasa ayos naman siyang kalagayan ’di ba?” dagdag na katanungan ni Semyo. Bakas sa mukha ng mga ito ang matinding pag-aalala at pagkamuhi.
“Nasaan ba si Kashim?” frustrated na bulalas ni Gasha.
“Kashim . . . Lapitan mo muna sina Semyo at Delom,” Ani Loula. Dahan-da
