Sa huli, ibang kwento rin ang nasabi ko kay Jory. I guess, hindi pa ako handa na i-open up sa iba iyong nararamdaman ko ngayon. Tanging kay Mee lang talaga ako nakakaramdam ng comfort sa kahit anong sabihin ko– hindi na ako mag-iisip na baka i-judge niya ako o ano. Mula pa lang noong high school, magkasama na kami. Elementary pa lang talaga, naglalaro na kami, kaso tuwing bakasyon lang iyon. Noong high school, sa hometown ko siya nag-stay– kapitbahay ko lang, dahil malapit doon ang school niya.
Lagi ko siyang sinasabihan ng mga sikreto, madalas din naman siya mag-share sa akin ng mga tinatago niya– 80% doon ay tungkol sa mga crush niya na hindi ko naman kabisado ang pangalan. Nakikinig lang ako pero lumalabas din agad sa tainga.
"So, malapit ka na rin palang ikasal sa iba?" Tanong ni Jo
