NANG maiwan silang tatlo...
""Ang sama ninyo!"" Masama silang tiningnan ni Daisy.
""Aba'y ano'ng kasalanan namin sa iyo?"" angal ni Jean.
""Hindi niyo man lang ako senenyasan na papalapit si Kuya Dylan. Imposible namang hindi niyo rin napansin."" Nakasimangot na si Daisy.
Nakasimangot nga si Daisy pero tuloy pa rin ang paglantak sa menudong nasa platito nito.
""Aba, malay namin. Kitang-kita mo naman na abala kami sa pag-aayos ng pagkain,"" depensa ni Maica.
Pero ang totoo ay si Maica pa nga ang bumulong kay Jean kanina na huwag ipaalam kay Daisy na nasa likod na nito si Dylan.
""Eh, ano naman ngayon kung nakita ka ni Kuya Dylan?"" aniya.
""Napahiya ako!"" Umikot pa ang eyeballs ni Daisy.
""Ang takaw mo kasi!"" sabat ni Maica.
""Tinidurin kita riyan, eh! Makita mo!"" Itinutok pa
