Aurora Feliz
Nakakailang araw na rin simula noong in-add ako sa social media ni Kathrina. Dahil hindi naman ako ganoon kasamaeh ina-accept ko rin naman siya. Isa pa, gusto kong makita kung ano ang mga pino-post niya para kahit wala sila ni Ellion dito sa Maynila ay updated pa rin ako sa kanila. Sabi naman ni Jhulia sa akin eh pati rin naman daw sila ni Patricia ay in-add ni Kathina kaya feeling ko, wala naman siyang problema sa akin. Lalo na at maayos naman akong nakitungo sa kanya noong nakasama namin sila ni Ellion.
Ngayon ay nasa bahay ako ni Jhulia dahil nagyaya siya ng inuman sa kanila. Gusto sanang sumama ni Benedict sa amin kaso sinabi ko sa kanyang huwag na kasi puro babae kami. Ayaw ko naman ma-awkward ang mga kaibigan ko sa akin. Isa pa, this is a girl talk kaya hindi talaga pw
