Are you excited?" Hinawakan ni Lucio ang kamay niya habang pababa sila sa escalator ng isang mall. Suhesyon nito na mamili sila ng mga gamit ng anak niya bago sila umuwi sa Zambales. Si Alejandro ay naiwan sa yaya ng anak nito na iiwan daw nito sa mga biyenan oras na umuwi sila sa Zambales pero hindi siya pumayag. Alam niya ang pakiramdam ng walang kahit isang magulang. Hindi niya gustong maranasan iyon ng ibang bata.
"Isang taong mahigit din tayong nawala doon. Ikaw ba? Hindi ka ba masaya na babalik ka sa hacienda mo?"
"Hacienda natin," pagtatama nito. "Kapag nakasal tayo ay magiging sa 'yo na rin 'yun. Hindi mo na kailangang habulin ang kabilang hacienda."
"Hindi ko hinangad na magkaroon ng hacienda," paglilinaw niya. "Kaya ako naghahabol sa Hacienda Luna noon ay dahil ala
