CHAPTER 45
THIRD PERSON POV
Lumipas ang mga araw na tila payapa, hanggang sa maging isang buwan ang nakalipas mula nang tuluyang iwan nina Daisy at Zhien ang madugong mundo na minsan ay umalipin sa kanilang mga puso. Sa ibabaw, simple ang buhay nila may umagang may kape at tahimik na halakhakan, may gabi ng mahahabang yakap at dasal. Ngunit sa ilalim ng katahimikang iyon, may mga lihim silang ginagawa. Mga lihim na hindi para sa karangalan, kundi para sa pagliligtas.
Hindi nila nakalimutan ang mga babaeng katulad ni Daisy ang mga dinurog ng sistema, binenta na parang gamit, tinanggalan ng boses at pagkatao. May mga dalaga pa lamang, may mga menor de edad na hindi pa man nararanasan ang pagiging bata, kinitil na agad ang kalayaan. At sa bawat pangalan, sa bawat kwento, may kirot na mulin
