Napasandal si Venice sa pader ng wash room. Mabilis siyang nakarating doon dahil sa tindi nang kaba dahil nakita niya si Alexander. Hindi niya lubos aakalaing makikita niya muli ito at sa ganitong pagkakataon pa na naroon pa si Alejandro. Para bang binagsakan siya nang kahihiyan nang makita ito at kung paano siya nito tingnan.
Ngayong nandito ito ay nasisiguro niyang hindi na ito nagkataon lamang. Talagang sinadya na nito na nandito ito at alam na nito na isa sila sa mga board of directors ng kompanya. Nasisiguro rin niya na kasabwat nito si Raymond, na siyang tumulong dito upang makalaya.
"You lied to me, Alex," mariing sambit niya sa sarili.
Naalala niya nang una niya itong makitang muli. Sigurado siya na hindi lang nagkataon na nagkita sila. Sigurado siya na sinusundan siya nito a
