CHAPTER 23
THIRD PERSON POV
Tahimik ang buong hapag-kainan, ngunit hindi ito isang klase ng katahimikan na nakakailang. Sa halip, isa itong komportableng katahimikan na binuo ng kaswal na sulyapan, banayad na ngiti, at paminsan-minsang paglalapat ng mga palad sa ibabaw ng mesa. Si Cataleya, habang patagong kinikilig, ay hindi mapigilang mapatingin kay Nayll. Sa bawat sandali ng kanyang pagbabalik tanaw sa mga nangyari kanina sa kanilang kwarto, ay para bang may mumunting apoy na unti-unting sumisiklab sa kanyang dibdib.
Si Nayll naman ay tahimik lang na ngumunguya ng pagkain ngunit ang panaka-nakang pagsulyap niya kay Cataleya ay puno ng kahulugan. Tila bang gusto niyang sabihing, "Hindi pa tapos ang gabi."
"Manang Delia, salamat po sa masarap na hapunan," sabi ni Cataleya, pilit na it
