“Pwede bang hinaan mo ‘yang boses mo?” nanggagalaiting sabi ni Romina kay Marco na tila hindi makali sa nangyari kanina.
“Bakit parang wala lang sa ‘yo ang nagyari kanina?” Pinanlakihan siya nito ng mga mata.
“Wow!” Natawa siya saka tiningnan ito nang namamangha. “Eh, ikaw?” Tiningnan niya ito ng taas-noo. “Bakit parang big deal sa ‘yo ‘yong nangyari? Parang ikaw ‘yong babae sa ating dalawa, ah.” Napangiwi siya dito. “Makaasta ka, parang unang halik ang kinuha sa ‘yo.”
Hindi niya talaga maintindihan kung anong tumatakbo sa utak ng lalaking ito. Kanina lang naman kasi nangyari ‘yong aksidenteng paglapat ng mga labi nila, pero ngayon pa nagrereklamo ang binata. Masyado itong late kung mag-react. At isa sa hindi niya maintidihan kung anong pinagpuputok ng butsi nito. Aksidente lan
