“Gusto kong magpagawa gaya nitong nasa litrato.” Ibinigay ni Saya sa isang babae na nasa counter ang litrato ni Davis na suot-suot ang isang kwentas. Palihim niyang kinuha ang litrato sa photo album na pinakita sa kanya ni Anastasia. “Dapat katulad niyang nasa litrato at may nakaguhit na Davis S. Montefalco.”
Nandito siya ngayon sa isang pagawaan ng mga alahas. Gusto niyang magpagawa ng kwentas na katulad ng sinusuot noon ng binata. Kampante siya na sa kanya maniniwala ang binata kapag napakita niya na nasa kanya ang kwentas. Alam niyang napakahalaga nito sa binata kaya maniniwala talaga ito sa kanya kapag pinakita niya ito.
Wala siyang alam kung nasaan talaga ang totoong kwentas, pero hula niya ay nasa kay Hope. Pero nang makita niya si Hope ay wala siyang nakitang may suot itong
