Ellie’s POV
KAPAG daw wala kang pera ay wala ka rin halos kamag-anak at mga kaibigan pero kapag nakikita nila na medyo umaangat na ang buhay mo ay bigla rin dumadami ang mga kamag anak mo at mga kaibigan.
Totoo nga!
Noong naghihirap pa kami at wala halos makain ay wala kaming mga kamag-anak na malapitan. Iyong pinsan buo ni Papa na engineer, minsan pumunta kami ni lola para sana umutang pambili ng gamot ni Papa noon. Kuh, kasama ng ugali ng asawa. Hindi man nga kami pinapasok sa malaki nilang bahay at hanggang sa malaking gate lang kami. Pinaabot lang sa katulong nila ang limang daan peso. Huwag na daw namin bayaran pero huwag na rin daw kaming babalik dahil hindi daw sila charity institution.
Noong tingnan ko si lola halata ko sa mukha niya na parang gusto na lang sana niya ibal
