Ellie's POV
MALAKI nga talaga ang nagagawa ng pera. Sa maikling panahon ay halos tapos na ang bahay namin. Sa susunod nga na linggo ay pwede na kaming makalipat. Sabagay hindi naman kalakihan ang bahay na pinagawa ko. Kahit na sinabihan ako ni Xander na piliin ko ang disenyo at laki ng bahay na pangarap ko ay mas pinili ko pa rin ang isang simpleng bungalow lang. Hindi naman kailangan ng mansyon ni lola at ng mga kapatid ko. Ang kailangan nila ay bahay na maayos at ligtas na tirahan.
Kahit walang pakialam si Xander sa perang ginagastos niya para sa pamilya ko ay hindi pa rin ako komportable na gastusin ang perang hindi naman sa akin.
Hindi naman kasi ako katulad ng iniisip ng mga kapitbahay namin na wala na yatang ibang ginawa kundi ang mag-marites sa buhay ko. Ang yaman-yaman daw ng
