HAYOP na ‘yan. Mula sa gate ay malayo pa pala ang lalakarin ko papunta sa mismong bahay. Tapos pataas pa ang daan kaya hingal na hingal ang ate niyo Itang bago nakarating sa mismong bahay lalo na at may kabigatan ang dala kong bag. Mabigat pa nga yata sa akin e. Mabuti na lang talaga at medyo sanay na ako sa lakaran at pagbubuhat ng mabigat dahil sa paglalako ko ng isda kundi ay baka natumba ako at gumulong pabalik sa pinanggalingan kong gate.
Sa labas ng bahay ay may babaeng naghihintay sa akin sa labas. Nasa edad singkwenta na siguro siya kung hindi ako nagkakamali.
“Ellie? Ikaw ba si Ellie ang pinadala ni Senyora Aurora dito?” nakangiti nitong tanong sa akin.
“Magandang araw po. Opo, ako nga po si Ellie.” Nakangiti akong nag-abot ng kamay sa kanya.
“Ako naman si Lorina pero pwe
