Tuwang-tuwa si Cassandra habang pinagmamasdang naliligo sa batis ang mga kaibigan ni Tim. Para itong mga batang sabik na sabik. Pinili ng mga itong maligo muna bago kumain para hindi raw malamigan ang tiyan.
"Ano, manunuod na lang kayo riyan?" sigaw ni Clyde sa kanila nina Katya.
"Sige," sigaw ni Katya. "Sawa na kami sa batis. I-enjoy n'yo iyan. Siguradong mamimiss n'yo iyan pagbalik ninyo sa lungsod. Pwera na lang kung may balak kayong bumalik dito agad."
"Baka ayain ko ang soon to misis ko na dito na kami mag-honeymoon," kinikilig na wika ni Max.
"Pwede iyan," tugon ni Cassandra. "Siguradong mag-i-enjoy kayo rito."
Siniko ni Katya si Cassandra. "Nasaan na ba si Tim?"
Nagkibit ng balikat si Cassandra. "Ang sabi nina Clyde, susunod na lang daw. Kaya nga siguro naligo na muna ang mga
