معشوقتي

الفصل السابع

رواية "معشوقتي ?"

(الفصل السابع)

بعد قليل جاء طرق (آدم) الباب ، ليصله صوت (حور) الهادئ قائلة :

_ أدخل

دلف (آدم) إلى الغرفة وقال بتوتر :

_ يلا والدك برة هيرجع مصر ، مش هتخرجي تسلمي عليه

________

أمسك (أسعد) حقيبته عازماً على الرجوع إلى القاهرة حتى لا يشعر (وليد) بأختفائهم

قال له (آدم) :

_ يا عمي ما يعرف يعني إيه إلى هيحصل

ربت (أسعد) على كتفه وقال :

_ برضو يا ولدي كل ما أتاخر البلاء كل ما كان أحسن

_ كنت رايد تجعد جار حور ، على الأجل لحد ما تعرفنا كويس وتاخد علينا

_ البركة فيك أنت بقا ، أنا سايبهالك أمانة في رقبتك

_ وأنا جد الأمانة يا عمي

أحتضنه قائلاً :

_ وأنا واثق فيك

خرجت (حور) من غرفتها ، كانت تحبس دموعها بأعجوبة ، أقتربت منهم بهدوء ، أخرج (أسعد) (آدم) من بين ذراعية ومد يده لها ، أنفجرت باكية وعانقته بحزن وهي تقول :

_ ما تمشيش يا بابا ، خليك معايا

_ على عيني يا حور ، بس لازم أرجع عشان أشوف هعمل إيه مع وليد وهرجع ورث أمك أزاي مينفعش نقعد أحنا الأتنين هنا

أخرجها من حضنه وقال :

_ كان نفسي ولله خصوصاً بعد إلى حصل بس مش بأيدي لازم أسافر

ربت (آدم) على ظهر (حور) قائلاً :

_ ولله يا عمي إلى حصل ده أول مرة يحصل ، بس متجلجش هنجيبو إلى عملها

_ وأنا واثق فيك أكتر من الأول ، بعد ما شوف رجولتك وجدعنتك معانا

_ دي مَراتي يا عمي وأحنا صعايدة منفرطش في لحمنا أبداً

_ وأنا واثق من ده ، سلام يا حور

قبل جبينها ثم ذهب من أمامهم

________

كانت تبكي في غرفتها بحسرة بعدما ذهب والدها وتركها وحدها ، دلف (آدم) إلى الغرفة وقال بملل :

_ لو كان أبوكي خبرني أنك نكدية جده أنا مكنتش أتجوزتك ، في إيه يابت عمي أنتي بتستني الحاجة عشان تبكي عليها

بكت أكثر وقالت :

_ حتي أنت بدل ما تحنن عليا ، بتحفل عليا

_ أحفل !!! ، مع أني مش فاهم تجصدي إيه بس مش مهم ، هحنن عليكي وأمر لله

أقترب منها يحتضنها ، أخفت وجهها في عنقه وتمسكت بجلبابه ، ليهمس في أذنها بمشاغبة :

_ شكلك أتعودتي على حضني

خرجت من بين ذراعيه بسرعة وقالت :

_لالا طبعا أنا بس....

_ أمممم متكدبيش شكلك مفضوح يابت عمي

خجلت من حديثه بشدة لكنها قالت :

_ على فكرة أنت رخم وفصيل ودي أخر مرة هحضنك فيها ، وعلى فكرة أنت قليل الأدب زياده عن اللزوم

هز رأسه بملل وقال :

_ أه وهتجوليلي دلوجتي هملني لحالي وأطلع برة ، يلا جوليها

نهضت من على الفراش بغضب وقالت :

_ أنا إلى هسبلك الأوضة بحالها وأمشي ، أشبع بيها

_ليه في واحدة تطول تجعد مع جمر زي وتمشي برضو

رفعت أحدى حاجبيها بدهشة وقالت :

_ جمرر !!!! ، وكمان متقنعر مش كفاية قليل الأدب

ثم تركته وذهبت ، جلس على الفراش وهو يضحك بصوته كله فـــ على ما يبدو أنها غضبت ، يا تري لماذا ؟

_________

كانت تقف (ثريا) في المطبخ تتحدث مع (ورد) في شئ ما

(ورد) بمكر :

_ أنا عارفة أنك مخبية حاجة ، من ساعة ما عرفتي أن أخوي هيتجوز حور

أخذت تقلب سائل الملوخية وهى تقول :

_ لا هخبي إيه يعني ، وبعدين مش أخوكي وبيتجوز لازم أفرح له

ضيقت (ورد) عيناها وقالت بخبث :

_ أماى مخبية عليا حاجة صُح

_ يوووه يا.....

قاطعتهم (حور) قائلة بضحك :

_ ينفع أقف معاكم ولا هقطع خلوتكم

ضحكت (ثريا) وقالت :

_ منورانا يا بتي ، أنا هروح أشوف وفاء فين مش باينة

وتركتهم سوياً وقفت (حور) بجانب (ورد) وقالت بغضب :

_ مش فاهمه أخوكي ده متقنعر على إيه ، مش كفاية أني راضية بيه وهو متجوز

ضحكت (ورد) على حديثها وقالت :

_ ولله هو حلو بس أنتي إلى مش عايزة تصدجي ، شوفي آدم وأعرفيه من جواه ، صدجيني هو طيب وحنين ، بس بجح الصراحة

_ شوفتي يعني أنتي معترفة أنه بجح

هزت (ورد) رأسها بأيجاب ، قفزت (حور) بفرحة وهي تقول :

_ أخيراً حد أعترف في البيت ده أن آدم بجح وقليل الأدب

_ هو مين دا إلى بجح وجليل الأدب يا بت عمي

هدر بها (آدم) وهو يضع يده في جيب جلبابه وينظر لها بهدوء غريب ، توترت (حور) وقالت :

_ في حد يخض حد كدة

فرت (ورد) من أمامهم وهي تقول :

_ أنا هروح أسال جدو على حاجة

وركضت إلى الخارج تاركة (حور) الذي ودت لو تبتلعها الأرض ، أقترب منها قائلاً بنبرة مخيفة :

_ مين ده إلى جليل الأدب يا حور

أبتعدت بتوتر وهي تشعر ببعض التنميل في أطرافها قالت وهي ترجع للوراء :

_ أنا...أنا كُـ....كنت أقصد ولــ....ــيد

أقترب منها سريعاً وقال بمكر :

_ وليد برضو

لف يده حول خصرها بتملك ، ثم وضع رأسه على كتفها يستنشق رائحتها قائلاً بنبرة خبيثة :

_ مش عيب عليكي يا حور ، عمي معلمكيش أن الكدب حرام

لم تجيب لكن أجابت دقات قلبها الذي كانت تقرع كالطبول في ليلة زفاف ، لا تعلم ماذا تفعل فهي حبيسته الأن ، ظلت أنفاسه تداعب عنقها إلى أن قالت بصدمة وهي تنظر أمامها بتوتر :

_ وفاء !!

نظر سريعاً وراءه ، فلم يجد أحد ، ركضت (حور) بأقصي سرعتها مستغلة أنشغاله ، ض*ب على المطبخ بحنق وقال :

_ ماشي يابت عمي هتروحي مني فين

_ يا آدم

صاح بها (أنور) ، خرج (آدم) من المطبخ ولم يلاحظ تلك التي كانت تقف بجانب المطبخ (ورد) ، وقفت بجانب المطبخ لتنقذ الأمر أن فعل شئ ل (حور) لكنها لم تتوقع ردة فعله أبداً

_ أمرك يا جدي

قالها (آدم) بحترام شديد ، ليجيبه (أنور) :

_ مالها حور مين مزعلها كانت طالعة تجري من المطبخ حد زعلها

توتر (آدم) ثم قال بهدوء :

_ أنا معملتش حاجة

_ بس أنا مجولتش أنك عملت حاجة ولا أنت عملت

_ هااا لا طبعا معملتش حاجة ، أنا هروح أخبرهم يجهزو الوكل عشان جعان

وأختفي من أمام (أنور) الذي نظر له وأبتسامة غريبة على شفتيه وهو يتمتم :

_يسلام لو إلى في بالي يحصل

________

أجتمعوا على السفرة يأكلون بهدوء إلى أن قال (آدم) بغضب وكأنه تذكر شيئاً للتو :

_ صحيح يا حور ، إيه إلى خرجتي بيه ده ليلة الحادثة

تركت (حور) المل*قة وقالت بعدم فهم :

_ إيه إلى خرجت بيه

_ أنك خارجه بخلجات النوم برة البيت ولا مختيش بالك

توترت (حور) قائلة محاولة الدفاع عن نفسها :

_ أنا قولت بليل ومحدش شايفني ، ووو

قاطعها بحدة قائلاً :

_ وهو إلى الناس مش شايفينه يخرج من غير خلجات جده

قالت له (ثريا) بسرعة :

_براحة يا آدم هيَ مكتش تقصد

ردت عليها (وفاء) بحنق :

_ تقصد ولا متقصدش الناس كلها شافتها بالخلجات دي ، والسوق كله بتحدت علي إلى خرجت من بيتنا وهي بالخلجات دي من غير لا خشا ولا حيا

قال (آدم) بغضب موجهاً حديثه لـــ (حور) :

_ قبل ما تعملي الحاجة أعرفي عواقبها كويس يابت عمي ، هنا مش زي هناك أبداً

نهضت من على المقعد وقالت بكبرياء مجروح :

_ لا هنا ولا هناك أنا هناك مكنتش بعمل كدة ، بس أنا أفتكرت أني مازلت في البيت ، يعني في أمان ومحدش هيبص عليا ولا هيشوفني ، معرفش أني سببت ليكم كل الأحراج ده ، ولو عايزني أمشي أنا ممكن أمشي ، عن أذنكم

ما أن دلفت إلى غرفتها قالت (ثريا) لــ (أنور) :

_ مدخلتش ليه يا أبوي ، عجبك إلى عمله أهي هتمشي

ردت (وفاء) بحنق :

_ ما تمشي يا أماي ، ولا أنتي عايزاها في حاجة

قال (أنور) بهدوء :

_ عشان هو مش غلطان ، كان لازم حد يعرفها غلطاها وأنا لو دافعت عنها هبجا بجويها علي جوزها ، وأنا ليا كلام مع آدم لوحدينا

قال (آدم) بحدة :

_ أنا مغلطتش

_ لا غلطت لما تصرخ عليها جدامنا كلنا ، عارف أنك نسيت بسبب إلى حُصل معاها ، بس لما تفتكر تصرخ عليها جدامنا جده ، كرامتها يا ولدي ، هتحط عيناها في عنيهم أزاي وكرمتها أتمرمغت في الأرض بسببك ، ومين إلى بيتحدت عليها ده في السوق يا وفاء

توترت (وفاء) وقالت :

_ ال...الناس كلتها يا جدي ، أنت مشوفتش الناس كلها كانت متجمعة أزاي يوم الحريجة

نهض (آدم) قائلاً بنبرة عدوانية :

_ هاتي حد من إلى بيتكلمو على بت عمي وأنا أحط صوابي التنين في حباب عنيه ، محدش له دخل بالي بتعمله واصل فاهمه يا وفاء

وتركهم وذهب ولم ينتظر ردها ، أما (وفاء) فنهضت من على السفرة عازمة على التخلص من (حور) وللأبد

مي مالك - Mai Malek

رواية "معشوقتي ?"

"بقلمي / مي مالک ?"

"رأيكم"