HMMM… masarap!” puri ng asawa ni Ricardo na si Amor matapos tikman nito ang niluto niyang paboritong pagkain ng kanyang asawa.
“Siya nga? Sa tingin mo kaya’y magugustuhan ito ni Badong?”
“Nakakatiyak ako.”
Kontento na nilapag niya ang sandok pagkatapos ay binuhat niya ang kaldero paalis sa apoy at nilapag sa gilid. Nakapagluto na rin siya ng sinaing, salamat pa rin kay Amor at tinuruan siya nito.
“Amor, maraming salamat sa iyong tulong. Marunong naman akong magluto ngunit hindi ganoon kalawak ang aking kaalaman dito.”
“Ayos lang ‘yon, lahat naman ay maaaring matutunan.”
Lumingon siya kay Badong na abala sa ginagawang upuan na gawa sa kawayan sa labas habang katulong si Ricardo. Napangiti si Soledad nang wala sa oras habang pinagmamasdan ang kanyang asawa. Nakangiti ito ngunit na
