“I contacted the wedding planner. Dalawang oras na lang at darating na siya,” sambit ni Galileo nang lapitan ko siya. Katatapos ko lang maligo ngayon at simpleng oversized shirt at itim na cycling ang aking suot. Umupo ako sa kaniyang kandungan at pinagmasdan ang laptop kung saan niya raw ni-email ang planner.
Dalawang buwan na ang nakalipas at dalawang buwan na rin akong buntis. Sa mga panahong iyon ay mas naging maingat pa kami ni Galileo lalo’t may iba akong kondisyon. Agaran nga ang balita namin noon sa kina Tatay at Nanay. Ganoon din sa mga magulang niya na ngayon ay naroon pa rin sa business trip.
Wala akong alam sa pasikot-sikot nitong pagpaplano ng kasal lalo’t mukhang mga propesyunal itong mga makakausap namin. Kung ano mang mapag-uusapan, siguro’y sasang-ayon na lang. Wal
