“How’s your feeling?” tanong ng asawa ko. Saglit kaming huminto sa paglalakad at hinimas ang aking sinapupunan. Ngumiwi ako at pilit na ngumiti.
“Kumpara kanina, medyo okay na,” sagot ko at pinasadahan ng daliri ang buhok. Saka kami nagpatuloy sa paglalakad dito sa department store, partikular na sa goods section upang mag-restock ng mga kulang sa condo.
Sa katunayan, sa halos anim na buwang nagdaan, napagplanuhan naming magtayo ng bahay sa Agunaya. Hindi pa ganoon kakonkreto ang plano dahil kailangan pa itong pag-isipan nang mas matagal. Sadyang dito na muna kami namalagi sa Maynila upang maasikaso niya rin ang trabaho niya. Napagsasabay din naman niya ang responsibilidad sa akin at sa kaniyang trabaho kaya hindi na iyon problema.
Lalaki ang anak namin, laking tuwa nga ni Gali
