Iminulat ko ang mga mata ko. 'Di tulad ng lagi kong nadarama tuwing magigising, kakaibang kirot sa ulo ang aking naramdaman. Ngunit hindi na naninikip ang dibdib ko, maginhawa na rin akong nakahihinga at hindi na ito tulad noong bago pa ako mawalan ng malay.
Una kong nakita ang bukas na bintana dito sa aking kwarto, maliwanag ang labas at nakasisilaw ito. Naramdaman ko ang hagibis ng hangin mula sa electric fan sa aking gilid.
Pinakiramdaman ko ang sarili ko, sinubukan kong bumangon ngunit may pumigil sa akin.
"Magpahinga ka muna," boses ni Dok Gal. Napatingin ako sa kanya at kita ko ang pag-aalala sa kanyang mga mata. Dahan-dahan akong tumango at muling humiga.
Iniwas ko ang tingin sa kanya at tumitig lamang ako sa bintana. Gayunpaman, nakikita ko sa gilid ng aking mga mata ang mala
