"What are you doing here?" may diin sa tono ni Dok nang humakbang siya patungo sa puno kung saan kami nagtatago ni Diana. Si Via naman ay nanatili sa puno at siya ngayon ang may bitbit na basket na ratan. Napansin kong namimitas na siya ng mga lansones ngunit paminsan-minsan ay tumitingin sa aming direksyon.
Hinila ko patayo si Diana habang nagpupunas ng kanyang ilong. Napairap ako at yumuko upang hawakan ang laylayan ng kanyang damit na kulay rosas.
"Singa," utos ko sa bata. Nang makasinga siya ay saka ko binaba ang laylayan. Bahala siya kung mapahid sa tiyan ang sipon. Magpapalit din naman 'yan mamaya.
Napansin kong naghihintay sa sagot ko si Dok kaya binaling ko na ang tingin sa kanya.
Hinawi ko ang buhok ko "Uh... mamimitas lang naman kami ng libreng lansones at rambuta
