Hindi alintana ni Dok ang bawat taong nakasasalubong namin sa daan. Para bang walang pakialam kung sino man ang nakakakita sa amin habang hawak niya ang palapulsuhan ko at ako ay tila sunod-sunuran.
Ramdan ko ang hindi humuhupang tensyon. Batid kong nagtitimpi siya at wala pa sa kalingkingan ang ipinakita kanina. Kung tama ako sa iniisip kong nagseselos siya, hindi ko na alam kung ikatutuwa ko ba iyon o hindi. Hindi ko akalaing ganito pala siya kapag nakikita akong may kasamang iba.
Naisip ko si Trivo at ilang mga kaibigan na naiwan sa loob ng venue. Ano kaya ang reakyon nila sa nangyari, kung sakali mang kumalat iyon at naiba sa bawat kwento ang kaganapan, sana ay hindi nila ma-misinterpret dahil may pagka-overprotective si Dok.
Tuluyan na kaming nakalabas sa gate. Bahagyang b
