Ilang beses kong sinabi sa sarili na biro lang ang lahat ng iyon, na dapat hindi ko seryosohin kung ano ang sinasabi niya dahil ang totoo, gumaganti lang siya sa pagtataray ko. Anong malay ko? Nang-aasar lang iyon at ginugulo ang utak ko. Bukod doon, hindi na rin naman niya nilinaw kung anong pahiwatig niya sa salitang prey at predator. Bakit ko naman siya magiging prey? At bakit gustong gusto pa niyang maging predator ako?
Hindi ko alam. At kahit kailan hindi ko maintindihan. Ano bang nangyayari sa akin at nagiging ganito ako pagdating sa kanya? Noong una, batid ko na sa sarili ko na hindi ko siya makakasundo, pero anong nangyari nang makita ko ang ngiti niya at marinig ko ang tawa niya? Anong nangyari nang mahawakan ko ang kamay niya? Anong nangyari nang sabihin niyang handa siya mag
