NAGBALIK NA AKO.
Ako na ngayon si Ember Dela Cruz. Isang simpleng kolehiyala. Nangyari na rin ang matagal kong inaasam.
Dati ay atat na atat akong tapusin ang kasunduan namin para makabalik ako sa katawan. Ngunit ngayong narito na ako, bakit wala akong makapang kasiyahan?
Niyakap ko ang mga braso sa sarili nang umihip ang malamig na simoy ng hangin. Mula sa aking kinatatayuan. Tanaw ko na ang aking apartment.
Kahit papaano ay gumaan ang pakiramdam ko sa kaalamang may naghihintay sa aking kama na mahihigaan at maiiyakan ko.
Sa paglapit ko ay nakita kong nakatambay sa labas ang landlady namin. Nanlaki kaagad ang mga mata niya pagkakita sa akin. Lumapit siya sa akin.
"Ember! Saan ka galing? Matagal kitang hindi nakita. Alam mo ba? May dumaang magandang babae noong nakaraan. Noong isang
