SALUBONG ang mga kilay ni Demetrius habang nakatingin sa akin. Hindi ko kasi maiwasang mapaungol sa tuwing nalalasahan ko ang matamis na ice cream sa dila ko. Kasalanan ko ba kung masyadong masarap ‘yung ice cream?
“Stop it. It’s annoying,” suway niya.
Sumubo akong muli. Napawi ang pagka-dry ng lalamunan ko dahil sa lamig ng ice cream. Ako lang ‘ata nga ang nakaubos ng buong ice cream.
“Sorry! ‘Di ko mapigilan, eh,” paumanhin ko.
Tinapunan niya lang ako ng tingin saka bumalik sa pagkain ng ice cream. Habang kumakain, napansin ko ang pagsulyap niya sa paligid na para bang anumang oras ay may mananakit sa amin.
“Anong ginagawa?” nagtataka kong tanong.
“I’m just checking,” tipid niyang sagot.
“Checking ng alin?” takang kong tanong. Muli akong sumubo ng ice cream.
Nagtaas ng tingin sa
