"SO tell me more about yourself, Glenard. I think mas prefer kong tawagin kang Lenard by the way," sabi ni Celest sa kanya. "I mean your hobbies. Your wants and dislikes."
"Well, I love target shooting. 'Yon talaga ang hilig ko simula pa noon," may bahid katotohanan niyang sabi. Masaya namang kausap si Celest. Lumalabas ang pagka-edukada nito habang kausap niya pero hindi pa rin niya maiwasang ma-miss ang nag-iisang babaeng palagi niyang kausap. Si Sandra. Sa ilang araw nilang hindi pagkikita ay ito ang hinahanap-hanap niya. Pagkatapos ng ilang araw na hindi siya nito pinansin ay naisip niyang kailangan niyang maglibang. Nagkataon naman na biglang dumating sa Sta. Isabel si Celest at nagpakita ng motibo sa kanya. Hanggang sa natagpuan na lamang niya ang sarili na nakikipag-date dito sa St
