PAKIRAMDAM niya ay mapuputulan na siya ng hininga dahil mukhang walang balak ito na tumigil. Sa amoy pa lang ay kilala na niya kung sino ito. Nang sandaling iwan nito ang kanyang mga labi ay nagawa niyang magsalita.
"Glen, ano ba?" sabi niya sabay bayo sa dibdib nito. Pero hindi pa rin siya nito pinakawalan. Parang huminga lang ito dahil muli na naman siyang hinalikan. Mas marubdob at mas lalong parang mauubusan. Pero makalipas ang ilang sandali ay naging mahinahon at magaan ang paraan ng paghalik nito. Hanggang sa tuluyan siyang bumigay. Natagpuan na lamang niya ang sarili na tinutugon na ang halik nito. His lips were soft this time, parang nananantiya at nanunukso na halos bahagya na lamang dumadampi sa kanyang balat. Bahagya siyang napaungol kasabay ng paglipat ng mga kamay niyang nas
