"SIGURO nga ay kailangan kong umalis muna. Baka tayo pa ang pagmulan ng mas malaking gulo. Imposible na yata talagang mawala ang galit ng pamilya ko sa inyo, Glen. Imposible na." Malinaw na malinaw pa sa isip ni Glenard ang lahat ng sinabing iyon ni Sandra nang huli silang magkausap. Aalis ito. Iiwan siya. Hindi niya maintindihan ang sarili kung bakit masyado siyang naaapektuhan. Hindi ba't ginawa niya rin iyon dati sa kababata? Iniwan niya rin ito nang mag-aral siya sa Maynila. He desperately needed someone to talk to. Pakiramdam niya ang maninikip ang kanyang dibdib kapag walang napagsabihan ng problema. Hanggang sa natagpuan niya ang sarili na kumakatok sa pinto ng kwarto ng kanyang ama. Ilang beses siyang kumatok pero walang nagbukas ni sumagot man lang. Nahintay siya ng ilang sandali
