"HANGGANG ngayon ay wala ka pa ring buto! Bakit hindi ka lumaban, ha, Juancho? Lumaban ka! Labanan mo ako!" paghahamon pa ng Nanay niya sa Papa ni Glenard.
"Lagot!" Nagkatinginan pa sila ni Glenard nang sabay nilang masabi ang salitang iyon. Hanggang sa mga oras na iyon ay nasa likod pa rin sila ng malaking puno, parang ayaw na nga niyang lumabas dahil sa tindi ng takot niya sa kanyang Nanay. Siguradong kapag nalaman nito na silang dalawa na naman ni Glenard ang may pakana ng pagkikita nito at ni Juancho ay baka hindi na siya palabasin ng bahay.
"It's your idea, Narding." Naninisi ang tono niya nang sabihin iyon. "Akala ko ba sabi mo, na-prepare mo na ang Papa mo?"
"Nakita mo naman kung sino sa kanila ang nagsimula, Sandra. Ang Nanay mo ang kaagad mainit, e," sikmat naman nito.
"Pa
