GLENARD
TINAMAAN ang damdamin niya sa lahat ng sinabi ni Sandra. Hindi niya akalain na pagkatapos ng lahat ng ginawa nilang dalawa ay darating ang ganitong pagkakataon na mapupunta sa kamay niya ang desisyon kung kikitilin niya ang buhay ni Emma Francisco o hindi. Alam ng Diyos na hindi niya ito gusto. Pero hindi rin kaya ng konsensiya niya na manahimik na lamang at ipagwalang bahala na lang ang nangyari kay Renzo na itinuring na niyang tunay na kapatid. Iyon nga lang ay hindi niya alam kung babalik pa sila ni Sandra sa dati kapag itinuloy niya ang paniningil kay Emma. Siguradong magagalit ito sa kanya. Kaya ba niya iyon? Kalituhan ang naghahari sa kanyang puso nang mga sandaling iyon. Naiipit siya sa sitwasyon na kailangan niyang pumili. Kung itutuloy ba niya ang paniningil dito, o palal
