IBINATO ni Rome sa pader ang hawak-hawak niyang baso.
“Rome, huminahon ka,” saad ni Albert sa kanya.
Hindi siya kumibo, muli siyang nagsalin ng alak. Kakabalik lang nila mula sa business trip niya sa Milan. Hindi niya naabutan ang asawa. Nagsabi ito kay Ella na may bibilhin. Dalawang oras na itong nawawala.
“Ihanda mo ang mga tauhan natin, susugod tayo sa Regno Reno,” malamig niyang wika kay Albert.
“Paano ka nakakasigurado na bumalik si Lady Theia sa Regno Reno?”
“Master Rome!” humahangos na pumasok sa opisina niya si Ivan.
“What?” singhal niya sa assistant.
“Si Lady T-Theia po, nasa mansyon na siya,” hinihingal na sabi nito.
“Damn!” Pabagsak niyang binitawan ang baso at agad siyang lumabas ng kanyang opisina.
“Rome! Where are you going?” tinig ni Digna.
Hindi niya pinansin ang
