Akarie
"Malakas ang ulan. Dito na kayo magpalipas ng gabi, Vaughn."
Napaawang ang aking ibabang labi ng marinig ko ang sinabing iyon ni Tito Alfred kay Alaric ng nasa living room kami pagkatapos naming kumain, nagpapahinga kami doon habang nagku-kwentuhan.
At habang naroon kami ay biglang bumuhos ang malakas na ulan. At kanina pa umuulan pero hindi pa din iyon tumitila.
At mabilis ko namang naitikom ang aking labi nang sumulyap sa gawi ko si Alaric na para bang gusto din niyang malaman ang sagot ko sa tanong na iyon ni Tito Alfred. At sa titig niya sa akin ay parang nakasalalay ang sagot ko sa magiging sagot din niya.
Mayamaya ay napatingin naman ako kay Mama ng hawakan niya ang aking kamay na namamahinga sa kandungan ko. "Dito na kayo magpalipas ng gabi, Akarie. Baka ma-stranded
