After a few days, sinundo ni Sarah si Bianca sa ospital. Habang si Joseph naman ay isinama ng mommy nito pauwi. Nagtataka man ay hindi inungkat ng dalaga ang pangyayari.
Habang palayo ay kita niya ang lungkot sa mukha nito, subalit naroon ang determinasyon.
"Hindi kami nag-hiwalay. Kailangan lang namin ng oras para makapag-isip. At kapag maayos na kami pareho at saka namin pag-uusapan ang tungkol sa relasyon namin."
Iyon ang sinabi ni Bianca habang inihahatid niya ito sa bahay ni Minda. Doon daw muna ito mananatili.
Habang minamasdan ang pinsan, wala ni bahid ng pagsisisi sa mukha nito. Masaya pa din kahit na ilang ulit na nasaktan. Nagtiwala pa din sa kabila nang mga nalaman. Ganoon ito kung mag-mahal.
Kung sana'y kasing tapang siya ni Bianca.
Kung sana'y kaya din niyang maging ma
