Napatigil si Anina sa may pintuan nila ng si Isagani ang bumungad sa kanya. Medyo basa pa ito at may nakapatong na tuwalya sa kanyang balikat. May hawak pa itong tasa ng kape sa kanyang kanang kamay. Mabilis na napakunot noo si Anina.
"A-Ano hong ginagawa niyo dito??"
Maging si Isagani ay nagulat sa biglang pagsulpot nito sa harapan niya. Mabuti na lang at hindi siya napaso o nabulunan sa kape na hinihigop niya.
"Akala ko umuwi ka na kaya dito na lang ako dumiretso." Panimula ni Isagani.
Tila ba kalmadong kalmado lang ito at walang problema sa kanya. Na tila ba, hindi naghintay ng matagal doon si Anina. He sound relax.
Nairita ang dalaga at agad na napataas ng kilay. "Ano? E, sinabi mo sa akin, maghintay ako doon at 'wag akong aalis. Hanggang sa magsara ang mall, hindi ka na bumali
