"Nakasimangot ka?" napalingon ako ng magsalita sa tabi ko si Krissa.
Nakabusangot akong nakatingin sa dalawang taong nakatayo di kalayuan sa aming dalawa ni Krissa.
Nagngingitngit ang buong kalamnan ko ng biglang halikan sa labi si Nick ng babaeng kalandian niya na kung hindi ako nagkakamali ay si Lisa, iyong babaeng kasama niya sa mall noong nakaraang araw na nagmall kami ni Raphael.
Andito kaming dalawa sa hallway naglalakad papunta sa direksyon ng greenhouse para tumambay at magrelax dahil bakante ako ng dalawang oras habang si Krissa ay isang oras bago magsimula ang sunod niyang klase.
"Kakagigil," hindi ko mapigilang turan. Hindi ko pa rin inaalis ang tingin ko sa dalawang naglalampungan sa harapan ko.
"Gusto mo bang jombagin ko iyong babae?" malakas ang boses na sabi ni Krissa
