آلاء و المنحوس

الجزء الثامن

دخل زياد لغرفة الاء :"" خرجي تتغداي "" 

وحطات لي فيديها و تبعاتو .. 

تجمعو حتى هما على الغذاء و نطقات الاء و هي كاتشوف فيهم بزوج .. و قالت :"" اليوما غير السبت .. خرجوني "" 

نطق زيد و قال بمزاح :"" اختاري الحيط لي عجبك و نبالي بختي "" 

خنزرات فيه و قالت :"" و صافي معاك بالصح "" 

جاوبها :"" عندي مايدار ... شوفي خوك "" 

شافت فزياد ثم قال ليها مباشرة :"" حتى انا عندي مايدار .. عيطي لفردة ديالك و خرجو بزوج "" 

جاوباتو :"" معروضة عند عائلتها هاد الليلة "" 

تم قال هو كايفرنس :"شوفي مع شيماء "" 

جاوباتو :"" اكييد عندها صحاباتها غاتخرج معاهم ماغادياش تدير راسها فيا "" 

شاف فيها و قال :"" ماتخافيش ماكاديرش الصحابات هي بزاف و ماعندها والو هاد العشية "" 

سالا كلامو و لقا الاء مخرجة عينيها كاتغرق بين كتافها و كاتشير لزيد بعينيها .. فهم زياد و شاف فخوه لي قال ليه :"" اااه .. وليتي تخبي علينا يا توأمي العزيز"" 

جاوبو زياد :"" دغيا استنتجتي "" 

جاوبو :"" راه خووك انا .. راه كبرنا من كرش وحدة .. "" 

تن*د زياد و قال :"" ماقلتش ليك حيت لدابا داكشي باقي معقد و غير مؤكد "" 

نطقات الاء :" حيت المكلخ مرونها بفوكونط "" 

رجع زيد لور و قال :"" واااايلي "" 

جاوب زيد بضيق و قال :"" وا جينا غير نضحكو هجرناه .. كنت باغي نقولها ليها .. بقيت اليوم غذا حتى لقيت راسي دازت عام و نصف .. دابا عند بالها مزعوطة فامين .. عرفتي صاحبنا لي عايش فكانادا .. "" 

جاوبو زيد و قال :"" صغع .. وااا من صغرك و انت هكا .. تكون صغيرة كاتكبرها .. مالك ماتخطبها نيشان اش ناقصك "" 

قال زياد :"" وا ناقصني تشووف فيا .. و هي الطريق لي نعمرها تخويها "" 

جاوبو و قال :" اوى بالسيف اخويا.. عقلتي العصا لي كنتي تعطيها فالصغر و الحغرة لي كنتي تحغرها .. كنتي حاااط عليها حتى كرهتيها فعيشتها .. وا هاهي دابا نفراتك واخا كبرتو مابقاتش تحمل فيك الشعرة "" 

ضحكات الاء بصوت عالي:"" حلف بالله .. "" 

ميل زياد راسو بخيبة امل و قال :" اودي كوون نصيب نشد داك الزياد البعلووك .. كون ندبحو بمووس حافي .. خرجت على راسي بيدي .. كون يسحاب ليا غاتبوغس منين تكبر و غانتزعط فيها كوراني من صغري و انا نطيب العنب .. ساعة طاب ليا القلب فبلاصتو .. "" 

ضحكات الاء و قالت :"" رااس المحااين هااد الصغع  "" 

نطق زيد و قال :"" شوف اولد ميمتي .. من الاخر ناوي الخير دق الباب .. كنتي غاتبرهش بالفوكونطات فووت عليك البنت.. ماتنساش بلي خت صاحبنا و كابرين فحومة وحدة .. ها انا كانعلمك "" 

شاف فيه زياد بنصف عين و قال :""كون عليا انا .. كوراه حنا مزوجين 5 سنين هادي و بحال والو يكون عندنا شي فزغول و لا فزغولة .. و لكن البنت صدقات تونة عنيدة "" 

ضحكات الاء و قالت :"' حياتكم عذاااب "" 

قال ليها زيد :"' اوى نوضي الي حياتها ماشي عذاب جمعي المااعن "" 

و جمعات ضحكتها و خنزرات فيه ...

-----

كان زين ال**بدين متكي فبلاصتو كايحاول يتصنت لعظامو و لكن كترة التفكير هرب عليه النعاس .. ناض جلس .. و من بعد وقف مشا لجهة الشرجم .. طل التحت .. و هز عينو منين بانت ليه الاء داخلة لبيتها ... تقاد فوقفتو مقا**ها .. حتى بانت ليه غاتهز التيشورت تحيدو .. ياله غايدور يسد شرجمو و هي تقشعو ..

تحنات دغيا جلسات تحت الشرجم و هو سد ديالو و جلس فسرير كايقول :"" استغفر الله العظيم .. اش كادير حماااقيتي .. على اخر يامك غاتولي تقابل بناات النااس من الشراجم .. اش غااتقوول عليا ..الله يسمح ليا .. و لكن حتى هااد الدرية ماكاتفهمش فالصوااب .. كاينة شي وحدة كاتبدل و الشرجم مترع عليها .. ""

كمل كلامو بتنهيدة و تلاح فبلاصتو متكي كايخمم ..

الاء جلسات غلى ركابيها و سدات الشرجم بلا ماتبان .. مابقاش عندها الوجه لي تهز وجهها فيه .. واخا ماحيداتش حوايجها و لكن هزاتهم ..

حتى سداتو ووقفات كاتبرغم :"" هااد ابوشنبات ... علاش بيتو مقاود مع بيتي .. وااا فينما ندور نلقا وجهو قدامي .. كان كايطل عليا الم***ف . "" 

دخل عندها زياد بعدما دق و قال :"" اش غاديري ؟"" 

جاوباتو :"" غانصاوب التقلية "" 

جاوبها :"" على سيرة التقلية .. ماحشمتيش لبووك قبايلة .. باغية تخصري ليا الضواسا مع نسيبي ؟"" 

هزات راسها كاتفكر :"" نسيبك .. شكون نسيبك *شهقات* اويلي هذاك ابوشنباات غايولي من العائلة "" 

هز يديه للسماء و قال :"" من فمك لابواب السماء"" 

"" ايييي قفاارت ""

"" علاش .. تي مااالك مع هااد السيد "" 

"" كايستافزني .. ابتداءا من اخلاقو حتال موسطاجو "" 

ضحك و جاوبها قائل :"" انت ماكاتعرفيهش ...و الله هذاك الرجوولة و اخلاقو عالية راه غير الهم لي مخليه يبان ق**ح هكاك .. و زايدون مال موسطاجو ..*تلمس ذقنو* انا براسي كانفكر ندير واحد ""

شافت فيه الاء و قالت :" على انت كاتنوض ليك اللحية ؟"" 

شاف فيها بعيون تاقبة .. بدات كاتراجع و كاتقول :"" و اللهتا غيير ضاااحكة ...  زيااد العااار "" 

ماجات فين تهرب حتى جبد معاها بركلة خلاتها تنقز من بلاصتها .. 

داز الوقت .. هي جالسة فالدار بوحدها ..فبيتها كيف عادتها .. كاتلاوح من بلاصة لبلاصة بملل .. ناضت جلسات فسريرها و قالت :"" ياربي اش هااد الملل .. نمشي عند شيماء نبرزطها شوية .. لا لا ابوشنبات كاين تما .. و الا كان.. لا لا نعيط ليها هي تجي عندي .. هي كاملة تجي عندي انا ماحشمتش .. و اشنو فيها ياك تصاحبنا .. لا ندق عليها و نقول ليها ياله نخرجو .. ااه صاافي  "" 

ناضت لبسات مقاد .. و خرجات .. سرسرات ووقفات كاتسنا .. حل زين ال**بدين .. شاف فيها و شافت فيه .. 

دورات عينيها باحراج منين شافتو ساكت و قالت :"" ا .. كاينة ..شيماء؟"" 

حذق فيها لبضع تواني و قال :"" اااه .. شيماء كاينة .. دخلي عندها "" 

جاوباتو :"" لا .. غ.. غير عيط ليها هنا "" 

خرج لبرى و قال :"" انا كنت خارج  ... غير دخلي عندها "" 

دار يدو فجيابو و تم غادي .. بقات كاتشوف فظهرو غادي و قالت :"" قبايلة كايطل عليا و دابا خارج من الدار زعما باش ناخد راحتي ... الله يعطيني وجهك "" 

و دخلات كاتعيط على شيماء .. و صاحت من الصالة :"" دخلي ا الاء "" 

دخلات الاء و لقات شيماء و عائشة جالسين كايتف*جو ..

دخلا الاء سلمات عليهم بزوج.. و سولات عائشة فيها و فخوتها و جلسات معاهم ..

قالت شيماء:"" مالك ؟ مالقيتي ماديري واقلة ياك ؟"" 

جاوبتها الاء:"" اختي ماكانحملش هاد السبت و الاحد .. خوتي بزوج مشغولين .. و حتى واحد مارضى يخرجني .. قلت نجي نشوفك الى مسالية "" 

قالت عائشة :"" ااه ابنيتي نوضي فوجي حتى انت شحااال ماخرجتي .. انا نيت دايرة مع خديجة شوية غاتجي عندي باش نمشيو نديرو الصواب مع حليمة راه مرات ولدها ولدات "" 

جاوبت شيماء:"" واخا .. علاش لا .. "" وناضت .. فرحات الاء و قالت :"" العزززز وا سربي "" 

مشات شيماء .. دارت الاء عند عائشة لقاتها مربعة يديها و كاتشوف فيها .. استغربات الاء و دورات وجهها و قالت بينها و بين نفسها :"" هاذي مالها كاتشوف فيا هكااك ..ياكما باغية تخطبني لداك ابوشنبات ديال ولدها .. الله ينجيني فال الله و لا فالي .. فمي لاحسو كلب .. "" 

رجعات شافت فيها لقاتها باقية كاتشوف فيها و كاتطلع و تهبط و كاتبسم ليها .. قربات الاء ليها و قالت :"" علاش اخالتي كاتشوفي فيا هكاك "" 

تلبكات عائشة من سؤال الاء المباشر و حافظت على ابتسامتها و قالت :"" لا ابنيتي .. غير كبرتي ماشاء الله عليك ووليتي غزالة الله يحجبك "" 

دورات الاء وجهها و قالت بينها و بين نفسها :"" هااالي قاالت الشواافة "" 

رجعات دارت عندها كاتضحك ضحكة صفراء  و قالت :"" غير جاب ليك الله اخالتي .. ماكاينش فالدنيا لي ماقالش ليا برهوشة .. لا حداكة لا قرايا لا زين .. واالو اخالتي عالة على المجتمع "" 

ضحكات عائشة و قالت :"" لاواه ابنيتي لاواه .. انت بنيتة زوينة ماشاء الله عليك و حتى حد ماتزاد معلم كولشي كاتعلمي ليه مع الوقت .. و عتابريني بحال امك و لي بغيتي تعلمي ليه اجي عندي بالفرحات عليا .. كيفما درتي مع شيماء نهار الجمعة على ****و .."" 

ضحكات الاء و قالت :"" الله يبارك فيك اخالتي ان شاء الله .. "" 

ضحكات عائشة و قالت :"" ها شيماء جاية قولي ليها انا الفوق "" 

جاوبات :"" واخا اخالتي "" 

دازت عائشة و هي كاتفكر و قالت :"" و الله هاد الاء كون ماكان ولدي ماكايحملهاش .. كون خطبتها ليه واخا كانقلب ليه على هاد البيل**نة لي باان ليا مووحالش واش كااينة .. اودي الله يصاوب و خلاص "" و طلعات ..

بقات الاء كاتطل و قالت :"' هاذشي لي كان خاصني نتعلم نطيب .. واخا نكون كانتلوى بالجوع و ماكانوضش نطيب وا بقا ليا غير نقلب شكون يعلمني ..."" 

بانت شيماء هازة سباطها و قالت :"" تي معامن كاتهضري "" 

تلفتت الاء قافزة .. شدات فقلبها و قالت :"" يعطييك دقة خلعتيني "" 

ضحكات شيماء و قالت :"" هههه نوضي نوضي ياله "" 

خرجو و فطريقها عيطات لخالتها كاتعلمها بخروجها ..

سدات الباب وراها و قالت لالاء :"" وا قولي ليا .. فين نمشيو "" 

قالت الاء:"" و فينما .. غير نسرحو رجلينا شوية "" 

قالت شيماء:"" ياله نعركوها فشي مطعم "" 

جاوبت الاء:"" سيري عالله "" 

و هما دايزين فطريقهم دازو على لقهوة فين كان جالس زين ال**بدين و بالصدفة كان معاه زياد .. عيط زين لختو و ناض زياد منين شاف اختو حتى هي ..

قال زين ال**بدين :"" لفين ؟"" 

جاوباتو :"" انمشيو ناكلو انا و الاء فشي مطعم ..قنطنا "" 

شاف زياد كيفاش زين صارم مع اختو و بغا يبان على شيماء حتى هو و خنزر فالاء و قال :"" و معامن لبوك تشاورتي انت ؟"" 

دارت الاء يد على جنبها و تقابلت معاه كاتخنزر .. خرج فيها عينو كايغمز ياله غاتحل فمها و دوز يدو على وجهها و شنق عليها و جرها من حداهم ..

هزات الاء فيه عينيها و قالت :"" تا مالك كاتجر هكا ..ش*هتينا .. هاذي هي مشغول جالس فالقهوة الشلاهبي .. و زايدها باغي تبان زعما على ظهري يسحاب ليك ماعايقاش بيك  "" 

جاوبها :"" لبديها  .. و سيري معايا فالخط "" 

جاوباتو :" اوى المكلخ لا بغيتي تبان ماشي هكاك .. غادي تهربها منك .. البنت كاتبغي لي يدلعها و يتهلا فيها .. و الى شافتك كاتهلا فختك غاتقول حنين و ظريف يعني خاصك تهلى فيا قدامها .. تضحك معايا تدور معايا ..  فهمتي هكا "" 

شاف غيها بنصف عين و قال :"' كاتخدميني ابنت ميمتي .. "" 

دوزات شعرها ورا ودنيها و قالت مبتسمة :"" ويلي حشومة تقول هادشي .. الخاوة حدها حد الدنيا "" 

ض*ب على جيبو و جبد ليها و قال :"" مهم رجعي لظاركم بكري .. و راك عارفة مانوصيكش ""

جاوباتو :"" عول على ختك "" 

و رجعو عندهم .. قال زين ال**بدين :"" سسرو الله يعاونكم .. غير هو ماتعطلوش "" 

جاوبوهم بواخا و مشاو ..

بقات الاء غادية و كاتخنزر فيهم من لور و هما راجعين للقهوة .. شافت فشيماء و قالت :"" شحال فعمرك ؟"" 

جاوبتها شيماء :""26 سنة  علاش كاتسولي ؟"" 

" 26 سنة و خوك باقي كايعاملك بحال درية صغيرة "" 

جاوبتها و هي كاتضحك :"" لا .. عادي .. كاع الخوت كايتصرفو هما مع خواتاتهم و زايدون هو راه ماشي متزمت كيف كايبان ليك .. غير كايبغي يوصيني و يكون على علم فين كانكون "" 

جاوبتها الاء :"" واخا هوكاك انت كبيرة على انه يبقى حاضيك .. انا خوتي غانوصل لواحد السن .. غادي نبدا نخرج عيني .. و لي حابسني دابا غير دوك المصاريف لي كايصرفو عليا "" 

ضحكات شيماء و قالت :" و علاش .. كيف دايرة علاقتك معاهم ؟ داك النهار سمعتك قلتي لزياد ماما "" 

ضحكات الاء و قالت :"" سمعتيني  ااه .. خوتي كانعتابرهم هما والديا .. زياد الاقرب ليا تقولي تويمي ديالي انا ماشي ديال زيد .. من ديما كان مساندني و طالق ليا اللعب .. مضسرني و ماكايخصرش ليا ... الطريقة باش كايتعامل معايا .. حنينة بحال الام .. داكشي باش كانقول ليه ماما .. اما زيد .. كايتهلا فيا حتى هو و معاملتو مزيانة .. غير هو صارم شوية .. عندو غير نيشان .. و ماضاسراش عليه بحال زياد و معاملتو حنينة بمزيج من الصرامة بحال الاب داكشي علاش كانقول ليه بابا .. بصراحة خوتي اهم ناس فحياتي و كانطلب الله يخليهم ليا .. كانمووت عليهم بزوج "" 

تبسمات شيماء بحب و قالت :"" احسن حاجة لاي بنت هو يكون عندها اخ اكبر منها سند ليها فلحياة .. كاتحس براسها عندها علامن تعول و عندها سند .. هكا كانحس بخويا .. انا عمرني شفت الراجل لي ولدني ..  و لكن مابقاش فيا الحال ... حيت عندي خويا .. انا و خويا بحال الصحاب .. كايعاود ليا و نعاود ليه .. بصراحة حنا اكتر من الخووت .. عرفتي كايمووت على طياابي .. كل مرة يطلبني نصايب ليه حاجة .. و كانديرها ليه بالفرحات عليا .. عزيييز عليا و ماكانقدرش نخسر ليه "" 

شافت فيها الاء ربطات حواجبها و قالت :"" انا فينما يطلبوني ندير شي حاجة كاندير ليهم مسلسل تركي .. هادشي كايعني انا اخت فاشلة "" 

ضحكات شيماء و قالت :"" و علاش لي ماتسمعيش كلامهم  مالك اختي على القباحة .. ماتشوفيش الامر على انك خدامتهم و لا كايحغرو عليك .. شوفيها من باب الحب ... خوتك و تبغي تهلاي فيهم و تدلعيهم .. و انت دابا قلتي كايتهلاو فيك و عزااز عليك "" 

بقات الاء كاتشوف قدامها معوجة فمها ... ضحكات شيماء على ردة فعلها و قالت :"" و الله حتى انت حمقة و كاتفوجي عليا . وا زيدي نشدو طا**ي"

تعاشات العشية .. راجعة الاء و شيماء كايضحكو .. حتى وقفو حدا الباب .. نطقات الاء :"" و اللهتا دازت خرجة واااعرة .. نعودوها مرة اخرى "" 

جاوبت شيماء ضاحكة و قالت :"" على الرااس و العين احبيبة .. فوجتي عليا حتى انت "" 

سلمات عليها الاء و قالت :"" وا دخلي دابا ... بسلامة "" 

جاوبتها شيماء :"" بسلامة تصبحي على خير "" 

و دخلات كل وحدة فيهم لدارها ..

دخلات الاء للكوزينة .. لقات زيد كايقلب العشاء .. شاف فيها و قال :"" فين دعتي ؟"" 

جاوباتو :"" كنت مع شيماء .. دوزنا هاد العشية فمطعم .. ملينا و تسارينا شوية حدا البحر و رجعنا "" 

جاوبها :"" مزيان ..هي شبعانة .. العشاء باقي ماواجد "" 

جاوباتو :"" لا شبعااانة حمد الله "" 

جاوبهاو قال :"" اوى لا شبعانا سيري شدي الركنة ""

خرجات من الكوزينة .. و مشات فاتجاه غرفة زياد .. لقاتو متكي و شاد تيليفون ديالو .. لاحت سبادرية ديالها و ساكها و هي تتلاح حداه حتى غوت عليها ..

زياد :"" شحال من مرة كانقول ليك ماتبقايش ديري هكا *شاف فيها * اش هاد التعطيلة ؟"" 

جاوباتو :"" ماتعطلناش .. ياله 8 هادي .."" 

جاوبها بعد **ت للحظات و هو كايتفحص جوالو و قال :"" اشنو درتو و فاش هضرتو "" 

و جاوباتو و هي كاتفوه و ت**ل و قالت  :"" درنا التقلية و هضرنا فالتقلية

""

دار شاف فيها .. شافت فيه و قالت :"" كون هاني .. ماهضرناش عليك .. لا انت لا امين .. كانت خرجة بنات صافي "" 

عوج فمو و قال :"" هادشي علاش مسيفطك انا ليها "" 

جاوباتو :"" ااايواا .. انا راه ماغاديش نبقا فينما نشوفها نجبد ليها كمارتك .. و زايدون عحباتني صحبتها واخا اكبر مني .. و لكن توافقت معاها كون تصاحبت معاها شحال هاذي ظريفة "" 

تبسم زياد و قال :"" و اشنو اخر "" 

طلعات فيه و هبطات و جاوباتو :"" زعما ماعارف والو .. راك كاتظل تهضر معاها .. بعدا كيف دارت حتى ماعاقتش بصوتك "" 

جاوبها :"" ماطاحتش فبالها .. داكشي علاش مادات ماجابت "" 

جاوباتو :"" اوى شوف كيفاش تمحي امين فاسرع وقت و ماتبقاش كاتضحك عليها.. الى مشات حتى عرفات .. غاتكرهك و تطير اي فرصة ممكن تكون ليك "" 

ارتاسم على وجهو الجد و قال :"" انا ماكانضحكش عليها .. انا جدي من جيهتها .. هي لي خلاتني ندير هكا .. و من دابا مستاعد نعاود ليها كولشي "" 

جاوباتو الاء :"" لا .. واايااك ازيااد .. دير لي قلت ليك .. خرج امين من حياتها و بان انت ..  اكيد غاتلاحظ التشابه بيناتهم و غاتبغيك "" 

جاوبها :"" على حسابك "" 

جاوباتو :"" على حسابي "" 

جاوبها :"' احنا غانشوفو .. وا نووضي تهزي من حدايا دابا ""

-----

اليوم الاحد .. صابحة الاء فايقة عاوتاني .. حتى طلات الشمس و هي تنعس ..

كان زين ال**بدين كايتف*ج فالصالة امو و شيماء مشغولات  .. حتى سمع الدقان .. ناض حل .. لقاه زيد ..

نطق زيد و قال :"" سلاام .. غانبرزطك اصاحبي واحد الشوية و تجي تصلح ليا داك البارابول .. يوماين و انا مضارب معاه "" 

جاوبو زين ال**بدين و قال :"" اشنو بيه .. "" 

جاوبو :"" وا كولشي فبلاصتو ماعرفتش اشنو المشكل .. زيد معايا ض*ب طلة الله يرحم باك "" 

جاوبو :"" واخا .. زيد نشوفو "" 

سد الباب و طلع معاه للدارو  ..

دخل زين ال**بدين كايدور عينيه .. حتى طلعو للسطح ..

بدا يشرح ليه زيد اشنو المشكل و بدا يقلب بنفسو .. داز شوية الوقت و طلع زياد براد اتاي ..حطو و قال "" اجيو الدراري تشربو اتاي "" 

تجمعو عليه .. جلسو و مد لكل واحد فيهم ..

قال زيد لاخوه :"" علاش ماعمراتوش د*ك الحماارة اش كادير تاني "" 

جاوبو زياد قائل :"" ا****رة صبحات فاايقة ...هاذيك ياله وصل عندها الليل .. "" 

جاوبو زيد و قال :"" هاد القاعدة ... عييت مانخا** عليها عليها و هي وااالو .. لي فراسها فراسها "" 

"" ياك غير الويكاند .. ضبر رااسها حتى انت "" 

"" انت لي خاارج عليها بهاد ضبر راسها "" 

"" وا خلينا دابا من هاد الهضرة .. قولو ليا اش درتو فهادشي "" 

جاوبو زين ال**بدين :"" هذاك الكابل تعرى .. خاص واحد اخر "" 

جاوبو زياد :"" هي خاصني نخرج نشريه "" 

جاوبو زين ال**بدين :"" واقلة عندي شي واحد .. انا غانمشي نجيبو ""

جاوبو زيد :"" كمل كاسك بعدا "" 

جاوبو :"" نرجع و نكملو "" 

جاوبو و قال :"" صافي ... احنا هنا نتسناوك "" 

ناض زين ال**بدين هابط .. ياله غايتوجه للباب و دارت ليه "باقية ناعسة " طااانن فراسو .. قرب بخطوات متسللة .. حتى قرب لغرفتها .. و هو يتراجع و قال :"" غاندخل على الدرية لبيتها و ناعسة .. اش هاااد التبرهيش.. *رجع شاف فالبيت و كمل * و لكن خاصني ضرووري ناخد ليها من شعرها *هز يظيه للسماء و قال* يااربي انت عالي و عالم مافي نيتي ..عمري تعد*ك حدوودك ياربي و لكن راني مظطر .. اللهم سهلها ياربي و لهلا تحشمني  "" 

قرب شوية شوية .. غمض عينو كمشها .. و ورك فالبواني لي كان مردود بالشوية .. طل من ورى شفارو بالشوية بلا مايحل عينو .. و لحسن الحظ كانت مغطية و ماكان حتى شي منظر مخل .. دخل شوية بالشوية و هو وااخد حذرو .. حتى قرب لوجهها .. بان ليه شعرها مجموعو قال :"" تفوووو على زهر "" 

مد يدو بمحاولة يائسة .. جر زوج زغبات .. نجح انه يفكهم من الربطة .. و لكن غير جا ينطرهم و هي تحل عينيها ..

------

حلات عينيها و خرجو عينيه .. جمع يديه و تبتو رجليه .. حلات فمها و قال :"" صافي هاذي للخرا ليك ازين ال**بدين "" و استغرب منين سمعها قالت :"" اوووبا .. بوهاسيو ؟ ""(اوبا .. اش كادير ؟) 

قرم حجبانو كايتصلغى .. كانت حالة عينيها بلونهم الطبيعي ..و لكن حمرين و مشقلبين بالنعاس .. رجعات قالت :"' سااارااانهييييه ... كورييغوو ...نورل وياسو ..*غوتااات * شييييكيووووو جووولكيييييييه "" 

(كاانبغييك ... داكشي علاش... و على قبلك .. غااانحميييييك )

زين ال**بدين فهم بلي كانت مشقلبة بالنعااس و بقا مصندل فبلاصتو كايتف*ج فالفيلم الكوري و كايتنسى امتى ترجع تنعس باش يقطف من شعرها  .. غير غوتت ماعرف باش تبلى .. و علق بلا مايشوف وراه ..

و رجعات الاء كاتهضر و دارت للجهة الاخرى كملات فيلمها مع نام جو هيوك ..

خرج زين ال**بدين كايجري .. طلع لبيتو .. كايبقشش على الكابل و كايفكر مع راسو :"" مصيييبة هااذي .. على زغبة غادي نتش*ه اعيباد الله .. داخل على بنت لقلب بيتها .. واااش هااد الفعااايل ازين العاابدين موالفين ليك .. الله يلعنو زهر تفووو .. *هز راسو مصدوم* عنداك تعقل على هاذشي منين تفييق .. ناااري اش درت .. صغووعيتي غاتلووحني فمالا يحمد عقباااه .. "" 

ناض هاز الكابل .. و هبط و رجع لعند الدراري ...

داز الوقت ... حلات الاء عينيها و هما باقيين كايتلصقو .. لبسات ف*جليها و خرجات من غرفتها ..

لقات زيد متكي فالمرح كايتف*ج ..

شاف فيها و قال :"" صبااح الخييير الخفاشة .. باقي الحال "" 

تفوهت و جلسات مادا رجليها و رجعات براسها لور .. 

رجع قال :"" اشنو .. غاتكملي نعاسك هنا "" 

ناضت جلسات كاتفوه و قالت :"" باقي ماشبعت نعاس ... شحال فالساعة ؟"" 

جاوبها :"" 3 و نصف هاذي  "" 

رجعات سولاتو :"" فين زياد ؟"" 

جاوبها :"" ياله خرج هو و زين ال**بدين "" 

جاوباتو :"" كيفاش ياله خرج .. على كان هنا ؟"" 

جاوبها :"" اه.. صاوب لينا البارابول و تغدا معانا .. "" 

جاوباتو بملل :"" اااه "" 

ياله حدرات راسها و هي دير طااان .. عوجات راسها و ضيقات عينيها .. جاها شي تشاش .. كانت كاتشوفو قدامها واقف و عينيه خارجين مصدوم  .. جلسات مقادة و مركزة كاتحاول تذكر و تسترجع ذاكرتها ..و تاكد واش كان حلم او حقيقة .. شافت فخوها .. بغات تسولو و لكن كيفاش غادير و هو غادي يدخلو الشك فبلاصتها و توحل معاه .. ناضت من بلاصتها نيشان للكوزينة تقلب علاياش تاكل و هي باقية كاتفكر فحلمها ...

-------

اليوم الاتنين .. 6 العشية ...جاية هي و هدى بطابلياتهم محلولين و الساكادو فالظهر ... كانو راجعين من الليسي كايتحتتو كيف عادتهم  ..

كانت الاء شادة فدراع هذى و كاتعاود ليها ..

الاء :"" شوفي فيا .. انا راه شبه متأكدة .. بلي نيييت ابوشنبات كاان فبيتي .. و كان واقف كايشوف فيا "" 

ضحكات هذى غير مصدقة و قالت :"" راك غير كاتخربقي .. راه واخا نشوفها بعيني مانتيقها .. هذاك بالظبط عمرتي شفتو كايتبسل على شي وحدة و لا قلل ترابيه على شي وحدة .. داخل سووق راسو و ولد النااس .. مانضنش يدخل عليك حتال البيت ... و الى دخل اش غايبغي غااع يدير و خووتك بزوج كاينين فالدار .. لعني الشيطان .. راه غير تخايل ليك و انت اصلا نعاسك مصطي اكتر منك .. كاتحلي عينيك تخرجيهم و تبداي تبرولي كيف الحمقة   ""

عوجات الاء فمها .. و قالت مصرة :"" يااا واللهما نتأتر بكلامك .. راااني شفتووو شفتووو .. واخا نعاسي مفشكل و لكن كانعقل بعض المرات .. و انا متأكدة شفتو .. هذاك رااه م***ف كايض*ب غير من التحت .. شحال من فقيه جاامع حصلو فيه الفعايل .. المظاهر خدااعة ابنتي .. و اصلا ماشي اول مرة كايتصرف تصرف غريب تجاهي .. داك النهار تبعني فالسوق .. وقفتو و بقا يحنزز فيا .. و فنفس النهار حصلو كايطل عليا من الشرجم و انا كانبدل .. و فالاخر دخل عليا لقلب بيتي .. "" 

جاوبتها هذى :""  غرييييب .. وا الى كنتي اختي متأكدة هكا .. قوليها لخوتك .. ماتسكتيش "" 

جاوبتها :"" اويييلي على نقولها .. حمااقيتي ...و الله حتى يعلقني زيد و يربطني مع الترية ..  ما مرة ما الف شدني و تحلف عليا هكا حرفيا *و الله و نحصل شي حد كايتبسل عليك يا حتى نعلقك * اختي هذاك العجل مامعاه لعب .. و مانقدرش نقولها حتال لاخر .. غايرجعو لومة عليا و على لبسي .. "" 

جاوبتها هذى :"" اوى اش غاديري ؟"" 

جاوبتها :"" اش غاندير .. غاندير التقلية "" 

ضحكات هذى و هي كاتض*بها على سدرها بالضحك .. شدات الاء سدرها .. خنزرات فهدى و نزلات عليها بشكارتها كاتفوت :"" وا جمعي معاااغلك يا هااد المصيببة مااال مك ؟"" 

بعدات عليها هدى و هي كاتضحك .. ضارت الاء بغير اهتمام و هي تلمحو .. دارت بالزربة عند هدى .. جراتها لعندها و قالت :"" ها هو لمك ورانا تاني .. وا قولي ليا كانحلم ؟""

الاء :"" ها هو ورانا .. واقولي ليا تاني كانحلم "" 

ضارت هدى و شقمات الاء وجهها و خرجات فيها عينيها و قالت :"" تي اش هاد دورة الطوبيس درتي .. لا سيري قولي ليه كانهضرو عليك احسن .. "" 

ضحكات هذى و قالت :"" بردي اصاحبتي .. راه غير زين ال**بدين هذا اصاحبتي نسيتي نهار عتقنا .. هادشي ماشي ديالو .. ماعرفتي تكوني كاتعجبيه و بغا "" 

شقماتها الاء دغيا و قالت :"" تبغييك لفعة تلدغك من داك ا****ن يتنفخ ليك تخنقي بيه و نتهنا منك .. مابقا ليا غير هذا يتعجب بيا .. اخر يامي يتزعط فيا واحد اكبر مني ب7 سنين و داير مووسطااج .. "" 

ضحكات هذى و قالت :" زيدي قدامي .. راك كاتعطليني .. "" 

جاوبتها الاء و قالت :"" زيدي زيدي .. نتهنا من الكلاب خوتي يطلع ليا باك ..الله يلعنها جرة  ""

وصلات هدى لفين كايتفارقو .. سلمات عليها و قالت :"" شوفي فيا .. غاتكتبي كوولشي داكشي لي خاصك و غاتجبيه ليا .. اليوم ماشي حتال غذا "" 

جاوبتها الاء كاتدفعها و كاتقول بملل :"" صاافي فهمت .. غبري زلافتك ها العاار "" 

جاوبت الاء باصرار :"" اليوم ا الاء اليوووم "" 

جاوبتها الاء بضيق :"" وا صافييي فهمنا فهمنااا ""

مشات كملات طريقها و تفكرات زين ال**بدين .. دارت شوية و لقاتو بقا واقف فراس الدرب ..

رجعات دارت و قالت :"" اكيد نفس طريقنا راحنا ولاد درب واحد .. يمكن نيت كانزيد فيه ""

غير دخلات و دار زين قدامو معصب و مفقوص و خاطب راسو قائل :"" زغبة ازين ال**بدين حرتي فيها و ماعرفتيش توصلها .. عالله غير ماتكوونش عااايقة .. اجي هي عارفة بلي هي بيل**نة ؟ كانظن ااه .. حيت مخفيية شكلها الحقيقي .. انا خاصني نرد بالي و مانعيقش و لا تقدر طير الفرصة من بين يديا .. وا زغبااا هاذي لي دارت ليا الارق و القلق النفسي .. ياااربي تسهلها ياااربي مابغييت غير زغبة .. خاصني نلقا شي فرصة فاقرب وقت ""

دخلات لدارها .. لاحت الساك و طابلية و نيشان دخلات للكوزينة .. خوتها باقي ماجاوش يعني هي لي غاتوجد اللمجة .. وجدات اتاي .. غير داقتو و دفلاتو .. شافت فالكاس و قالت :"' ياااااع اشنو هادا بول الحمييير .. "" 

كبات البراد فالمغسل و حلات التلاجة كاتقلب على الحليب .. مالقاتوش و قالت :"" وااو great دابا خاصني نخرج نشريه .. تفووو "" 

خرجات من الكوزينة و هبطات خرجات ..  مع حلات الباب بان ليها تاني واقف حدا باب دارهم مع ولاد الدرب .. غير شافها و استاقم بدون مايعيق.. هي قشعاتو .. بلعات ريقها كاتطرد دوك الافكار و مشاات فطريقها .. دارت مع الحانوت و وقفات كاتطلب اشنو بغات .. هنا وقف زين ال**بدين وراها .. مد يدو ينطرو وليها .. حتى وقف مول الحانوت و قال :"" اهلاا زين ال**بدين اش حب الخاطر اخويا..  "" 

خرجو عينيه و خرجو عينين الاء لي ضارت دغيا ..

ترنحات و شقمها و قال :"" ب..بالشوية عليك ""

انتافضت و بعدت عليه .. رجعات دارت لعند مول الحانوت و قالت :"" سريي ابا عمر عفااك .."" 

و مد ليها سخرتها خلصاتو و طارت ..

بقا زين واقف فبلاصتو .. شاف فمول الحانوت و حتى هو شاف فيه .. بقا هكاك و قال ليه :"" كيف داير مع الحياة ابا عمر "" 

جاوبو مستغرب و قال :"" من الحامدين الشاكرين "" 

تبسم زين ال**بدين و قال :" مزيان .. بقا من الحامدين الشاكرين "" 

و مشا رجع فحالو ..

طارت الاء لدارها .. غادية و كادور تشوف واش لحق .. حلات باب الدار .. سداتو و طارت كاتجري بلا ماتشعل الضو .. حتى دخلات فشي حد و طلقاتها بغوتة .. و ماسكتات حتى سمعات صوت خوها .. و من هضرتو عرفات شكون فيهم .. ""ماااااالك ياا هااااد البنت بالشوية غاااتسيفطي طاااسيلتي لمييرييزكوووو ..  "" 

شدات توازنها و قالت :"" شكووون بابا ؟"" 

جاوبها :"" جدك هذا ... فين كنتي ياله جاية ؟"" 

جاوباتو :"" لا .. راه كنت عند با عمر جبت الحليب و الخبز .. "" 

جاوبها :"" و مالك داخلة بعجاجتك و طالعة فالظلام ""

جاوباتو "" على اساس انت كنتي شاعلو ... علاش كاتطلع انت فالظلام "" 

جاوبها :"" مالي خواف بحالك ..طلعي قدامي الكاريتة .. عمرك ديري عقلك .. "" 

طلعو للدار و مشات لاكوزينة تكمل اشنو بدات ..

بعدما سالات ماكلتها مشات لغرفتها و جلسات فالسرير .. حلات شعرها و حيدات لي لونتي .. و بدلات حوايجها ..طلقات الموسيقى.. ربعات فوق سريرها و شعلات البيسي بورطابل و دخلات تقلب على حلقات اليوم المترجمة ..

و هي كاتف*ج هزات عينيها شافت فالشرجم قدامها .. منين جلسات و هي كاتفكر فالمواقف لي جمعاتها بيه .. و لحد دابا ماقدراتش تحدد واش نيت كايسطوكيها و لا غير كايتخايل ليها ..

تيليفونها كايصوني .. مدات يدها كاتقلب عليه حداها و هي ناعسة و بيسيها باقي مشعول حداها .. طلات بنصف عينيها و جاوبت و حطاتو على ودنيها ..

جاها صوت هذى كاتنغر عليها "" فيين الدفتااار الكلبة التسعود هااذي .. اش كااديري ..ناااعسة يااالحماارة اش هااد الفعاايل عرفت مك فنيانة حتى حاجة ماكاديريها فوقتها .. دابا غاتهزي يور ااس من تما و غاتجيبي الدفتار .. ماشي شغلي كندتبتي و لا لا .. مزيااان تبااركالله .. انا لي خاص جد بويا العقل دايرا راسي فييك .. ياله تهزيي""