آلاء و المنحوس

الجزء الرابع

كانوا غادين في الطريق .. هو القدام و هما غاديين وراه.. كيف العادة يديه فجيابو مخنزر و ماعاجبو حال .. 

نغزات هدى ألاء و قالت هامسة  :"" نزلي شووكتك السيد عاوننا .. نساي بلي ماكاتحمليهش لدقيقة و شكريه كيف شكرتو انا "" 

جاوبتها بغيظ :"" سكتي انت .. ماسوقكش "" 

هزات آلاء صوتها لمسامعه و قالت :"" بالمناسبة كان من الغبااء منك انك كنتي ناوي تعترف انك كنتي مضارب معااهم "" 

دار شاف فيها بنصف عين غير راضي و رجع شاف قدامووكأنه ناوي يتجاهلها :"" انا ماكانتخبى ماكانهرب .. لي كاينة كانقولها .. و الخوف من الله بوحدو .. "" 

 "" اه ماقلناش الع** و لكن بااش ضيع راسك على قبل زوج مجرمين .. فهذي ماشي شهامة و رجولة هذا راه الكلاخ "" 

وقف و دار عندها بعيون مشرارة :"" في الحقيقة هادشي ماوقعش بسبابهم هما .. بسبابكم انتوما يا البرهوشات لي دخلتوني .. اصلا اش وصلكم تما .. هاذاك الوقت كيخصكم تكون فمدارسكم ماشي كاتجلوقو بين الدروبا يتبسلو عليكم الحمير .. مادايرين حساب لديوركم لي مسيفطكم لجيه و تعوجوه لجيه .. العيب ماشي فيهم هما .. فيكم انتوما لي مافيكم خير و عزيز عليكم التبرهيش .. تقلو شوية و عرفو ريوسطم اش كديرو "" 

جاوباتو آلاء بانفعال و هدى كاتحاول تسكتها وجهة نظره كانت ذكورية معفنة و لا علاقة ليها بالصحة  :"" شفتك كاتهز و تحط .. اش دخل حماارتك انت اصلا .. قلنا ليك قباايلة مسخراات .. ماشي عاونتينا غاتبدا تحل علينا فمك .. و طرطق كيف القلية.. تي شوفي ليك السيد دغيا ردنا برهوشات و اكانلعبو ورا ديورنا ، انا ما فهمتش ايمتى بنادم غايبدا يتحضر في تفكيره "" 

جاوبها متجاهل كلامها :"" خوتك عارفينك طالعة لهاد الشارع ؟"" 

لبداتها و بدات تدور عينيها و كاتغدد .. أكيد ماعارفينيش و اكيد غايوصل ليهم الهضرة و اكيد بالطريقة اللي بغى هو و اكيد غايتيقوه هو حيت عندهم نفس تفكيره . 

ياله غايهضرمازال و هي توقفو هدى و قالت :"" صافي اخويا سمح لينا .. عتقتينا الله يرحم الوالدين .. احنا غانكملو بوحدنا .. "" 

جرات آلاء لي حمارت و باقي مابردات غدايدها .. 

و هو وقف كايشوف فيهم غاديين معوج فمو بنفور و قال : "" كون كنتو خواتاتي كون قاديت لبوكم الضلوع ""

تم غاادي حتى هو .. بما انه قرب للدار قرر يمشي يتغدى يرتاح شوية و يرجع يقلب تاني .. و هو في طريقو لمح شيء مستحيل تغفل عليه العين او يصعب معرفتو ..دزينة صغيرة من الفلوس .. خرجو عينيه و حط رجلو عليها و هز عينيه كايشوف فجنابو .. هزها و بقا كايشوف لايلمح شي حد كايقلب .. منين تأكد باللي الدنيا هانية و بلي حلال عليه  .. تم غادي كايلعب بيهم وسط جيبو و هو كايفرنس .. مايمكنش .. اول مرة كايتلاقا مع شي حاجة اسمها الحظ فحياتو .. انه يلقى دزينة ديال الفلوس من غير عباد الله .. فهادي معجزة بحد ذاتها ..

غادي كايخمم حتى وقفو صديق من ولاد الدرب لي مولف يجمع معاهم و قال ليه :"" زين ال**بدين !! . .. شفتك جاي مع خت التوام و بنت سي علي .. اش تما ؟ "" 

شاف فيه و قال :"" بلا ماتمشي بعيد .. راه وقفو عليهم شي ولاد الكلاب و فكيتهم ""

جاوبو و قال :"" اااه .. ياكما داو ليهم شي حاجة "" 

جاوبو زين و قال :"" اودي ا حمزة ..ماوقع ليهم والو .. انا لي ضاربت علاين مايفرشخو ليا راسي و لكن الحمد الله ماوقعاتش .. سبحان الله اول مرة كانفلت .. مولف المصيبة كاتكون غادية عند واحد كاتصدق جايا عندي انا..  "" 

ضحك حمزة وقال :"" لا ماتقولش هكاك... بعدا غير منين عتقتي خت التوام و ماخليتيهاش ضبر راسها .. راك راجل و ولد الناس "" 

ضحك بسخرية و قال :"" و اللاهيلا كون خليتها ليهم نييت ..*سكت شوية و رجع قال مفقوص* واحلة ليا هنا *اشار لقرجوطتو* ما هي غير بجغوطة من بنات هاد الجيل لي كايطيرو .. الطيران و الضسارة .. لا حشمة لا احترام .. لا لبس مستور لا.. اعود بالله .. انا ماشغليش فعباد الله.. و لكن انا هاذي راه مصدعاني و ضاراني فراسي ... وا ديييما الصدااع خارج من بيتها .. و ماكاتهدش حتى من خوتها مسهليين معااها .. وا مستفزة لابعد الحدوود "" 

جاوبو ماازح  :"" وا بغيتي الصرااحة اخويا زين ال**بدين .. راك غير ظالمها .. هي نيت قضية الصداع مانتزايدش معاك فيها كانكون دايز من حدا الدار و كانسمع .. و هي نيت لبسها ماشي هو هذاك و لكن ظريفة و ضحوكية و بنت الناس بحال خووتها .. مافيهاش داك الطيران الخاايب .. غير طيش الصغر و صافي "" 

جاوبو و قال : و واالو .. ماتقوولش ليا .. الكتاب باين من عنوانو "" 

جاوبو حمزة و قال :"" وا الى حكمتي على الكتاب من عنواانو .. مشييتي خلا .. حيت ماشي هكا كاتمشي الامور ...شحال من عنوان لا علاقة بالمحتوى ديال الكتاب.. شحال من كتاب كايكون عنوانو والو و كايكون كتاب كايتوزن بالدهب و كاين لي عنوانو فقط لاتارة الانتباه و محتواه والو ...   "" 

ضحك ضحكة جانبية ساخرة و قال :"" و الله الا اتارة الانتباه "" 

سرح حمزة بعينيه كايفكر   :"" ولكن د*ك البنت شي حاجة فيها فشكل .. ماعرفت كيفاش غانشرح ليك و ماتفهمنيش غلط .. هاد*ك بنت دربنا و بحال ختنا و لكن .. كايجيني زينها فشكل .. بحال الى تقول كاتعطي انطباع الغرابة من اول لقاء .. و اللهما عرفت كيفاش نشرح ليك "" 

شاف فيه زين ال**بدين و قال :"" فهمتك .. هي بالصح.. زوينة .. و كانت غاتكون احسن كون كانت مرزنة و متبتة شوية .. "" 

دور حمزة راسو بملل و قال :"" وايلييي .. وا خلينا دابا من اخلاقها ضبر راسها .. حنا كانهضرو غير على شكلها..*سكت شوية و قال * عرفتي كانعقل فاش كانت صغيرة ماكناش كانشوفوها .. والديها الله يرحمهم ماكانوش كايخليوها تخرج تلعب مع البراهش فالزنقة بحال كولشي .. كانت غابرة و  منين كايخرجوها للمدرسة اولا معاهم ديما لابسة مغطي و الطاغية فشعرها .. كانو ديما دايرينها ليها ماكاتحيدش ..  من بعد موت امها كانت شوية .. و لكن بانت ورا موت باها .. و حتى من كترة اللبس و تغطية الشعر حيدوها .. عاد ولات تبان و تخرج بلا خوتها و تصرف عادي .. وااقلة كاانت مرييضة بشي حاجة  ..كانعقل عليها كانت شاحبة وا قوول بلقة ..*شاف فيه و قال*  وداك السجن و الحصار لي كان عليها فالصغر واقلة هو لي مخليها هكا طايشة دابا .. ملعباتش فصغرها و ماخرجاتش بزاف .. "" 

جاوبو زين ال**بدين و قال :"" عندك الصح .. و لكن احتمال تكون كانت مريضة جاني فشكل .. واخا تكون مريضة يخليوها تلعب و تخرج ماغايوقع ليها والو .. هما راه ماكانو كايخليو حتى واحد يقرب ليها .. و زايدون علاش حتى غاتكبر عاد يطلقو ليها اللعب .. داكشي راه بالع** .. البنت تلعب فاش تكون صغيرة ..و منين تبدا تفهم خاص شوية الصرامة و تعلم الاحترام و شنو المزيان و اشنو الخايب .."" 

جاوبو و قال :"" وا عندك الحق .. و لكن جيل اليوم هما هادو .. اش عند الوالدين مايديرو ... لا بنات لا دراري كولشي بحال بحال ""

-------

دخلات آلاء للدار كاتنفخ و تنغر و معاها هدى ..

نطقات هدى:"" صافي سكتينا دابا .. ماوقع والو .. " 

جاوبتها آلاء  :"" داك ابوشنبات الذكوري المكلخ .. ماعرفت اش كايسحااب ليه رااسو جالس يعطينا فالموااعظ .. خوووتي اعيبااد الله لي ولاو فمقام والديا عمرهم نقصو مني كيف دار هو .. الله يعطييه شي مصيبة قديم مع راسو  ""

جاوبت هدى و قالت : كون كنت فبلاصتك .. كون مشيت قليت الحوت .. 12 قلقسمين هاادي ""

غير نطقاتها و خرجو عينين الاء من بلايصهم و طارت للكوزينة كاتفتف كيف عادتها .. تبعاتها هدى كاتضحك و بدات تفتف معاها .. 

آلاء:"" نااري باش غانبدا و مك صاافي قفااارت عليا "" جاوبتها هدى و هي كاتجبد الخضر من التلاجة :"" سخني ازيت المصيبة و شرملي الحوت الله يلعنها جرة معاك .. "" 

جاوبت ألاء و هي خدامة :"" انت السباااب .. قلت ليك غانمشي نطيب الغداء.. صافي خليني نرجع .. لاش طلبي فيا على الخرييج هانا طبيت نصف مصروفي و اش جا ما فكني منهم تاني ... انا يدي متقوبة و انت فمك محلول ... فينما تكون عندي شي حزقة تخورجي انت من الجنب""

جاوبت هدى و قالت :""  محشمتيش .. علا شكون لي كانو ريوغها سايلين على دوك الحوايج و شكون لي عاد كانت تشكر فالمحل و حوايجو .. الله يعطيني وجهك "" 

جاوبت الاء :"" داكشي قبل مايخرجو لينا دوك زوج جرتومات لي فالتين لديتول و لايفبوي ... و زيدي عليها داك صعصع ديال ولد الجيران بارك يحل علينا في فمو  .. داك بوشلاغم بن البغل لاخر دابا غايحطها حية كاتركل لخوتي و للباك غير بلاتي  "" 

جاوبت هدى و قالت :"" لا لا مووحاال .. "" 

جاوبتها الاء و قالت :"" موحاال !؟ .. اتي نووضي انا لي عارفاه .. ديما جاي مبري مني .. ها صداع البيسي ها نقصي الموسيقى ها صداعك ..هذاك راه النكد كون كان بنادم .. ياااخ بااز لختو لي عايشة معاه مسكينة كوراه مدوزها من عين البرة .. يخليلي ليا خووتي انا الرجوولة و الشهاامة و الظرافاات ""  

دخل زياد للكوزينة .. حط المونادا و الخبز و قال :"" وا لااباس هاد المرة اعتارفتي بالخير و ماسبتييش خووتك  "" 

دارو عندو بزوج و كل وحدة اشنو كادير و قالت آلاء :"" اهلا ماما .. "" 

.. عمر كأس الماء كايشرب و تكا على البوطاجي و قال :"" عاوتاني كاتستاغلي صاحبتك .. ماعندش بوك  الوجه علاش تحشمي "" 

جاوبت آلاء  :"" و انت ماالك .. انا و صاحبتي و انت اش دخلك "" 

ضحكات هدى و قالت :"" انا اخويا لي بغيت نعاونها .. كاتقطع القلب الزغ*ية "" 

نغزاتها آلاء و هي كاتخنزر فيها ..ضحك زياد و قال :"" و طلقونا انا راه جاني الجووع "" 

جاوبت آلاء و قالت :"" واخا ... قربنا نساليو خاص غير لاخر يدخل ""

------

دخل زين ال**بدين للدارو .. لقا امو جالسة كاتف*ج .. دخل باس يدها و تكا حداها .. شافت فيه و قالت :"" يسحاب لي ماغاتجيش اولدي .. اشنو درتي "" 

جاوبها و قال :"" والو الوليدة .. مالقيتش خدمة "" 

تن*دات و ربتات على كتفو و قالت :"" الله يجيب اولدي "" 

هز عينو شاف فيها و قال :"" عرفتي منين كنت جاي الوالدة .. لقيت واحد الحاجة "" 

جاوباتوبتساؤل :"" اشنو هي اولدي "" 

خشا يدو فجيبو و جبد الفلوس .. خرجت عينيها و قالت :" هادشي لقيتيه ؟؟ "" 

ضحك و قال :"" عجب ياااك .. انا نلقى هادشي من فلوووس .. تعاوديها لحمق يضحك عليك .. هكيهم .. و الله الوليدة ماعارف حتى شحال تما  ""  

شافت فيه و قالت :"" اش بغيتهم اولدي .. خليهم لييك .. ماخاصني والو "" 

شاف فيها و قال :"" كيفاش ماخاصك والو .. دواك شوية و يتقادا .. و الصير ديال الدار و التقدية .. و .. اجي ياكما .. "" 

جاوباتو و هي نوعا ما كاتهرب و قالت :"" لا اوليدي مابقيتش كانطرز للعيالات .. غير كون هاني "" 

جاوبها قائل :" و بلا مانوصيك الوالدة .. انا طلعت "" 

جاوباتو قائلة :"" فين طالع .. انا دابا نحط الغذاء "" 

جاوبها و قال :"" غير حطيه .. انا نصلي الظهر و نهبط "" 

طلع للطابق الفوقاني .. دخل للحمام توضا و خرج لغرفتو ... صلى صلاتو و جلس يدعي لله كيف عادتو بالتوفيق و بحفظ والدتو و يطول عمرها و بالتيسير فجعل البنت لي كاتعجبو تكون من نصيبو .. ناض وقف جمع صلايتو و هو يصوني تيليفون ديالو .. كان رقم غريب جاوب بتساؤل  و سمع صوت بنت .. كاتسول "" واش انت زين ال**بدين الزغ*ي لي دفع السيفي ديالو داك الشهر لشركة **** للتصنيع  ؟"" 

جاوبها بلهفة و انتباه و قال :"" اه اه .. انسة انا "" 

جاوباتو ببشاشة و قالت :"" الى كانتي مسالي جي عندنا غدا مع 8  "" 

جاوبها بلهفة ماقادرش يخبي فرحتو و قال :"" بطبيعة الحال .. شكرا "" 

قطع و هز يدو للسماء كايحمد الله ... ياله غايهبط يبشر امو و صونا تيليفون جاوب باستغراب من الرقم الغريب و تصدم منين عرف بلي تم القبول ديالو في شركة اخرى ... تصدم بقا حال فمو كايشوف بصدمة فتيليفون .. و ها هو كايصوني تاني .. جاوب و زاد استغرابو و كانو 3 عروض الشغل جاو فدقة وحدة و غير بووحدهم .. 

هبط كايجري عند امو و كايغوت و قالت ليه :"" امااالك اولدي خلعتيني اش كاين "" 

جاوبها و هو كايضحك و قال:"" و رااه جاوبني تلاتة الشركات الواالدة .. وا تلاااااتة فدقة وحدة "" 

خرجو عينيها حتى هي مامتيقاااش .. حتى استوعبات و تبسمات تدرييجيا و عنقااتو كاتضحك و قالت :"" وا مبروووك اولدي .. واش خدمة رسمية و لا .." 

جاوبها و تلاشات شوية من فرحتو و قال :"" الخدمة الرسمية الوالدة نسييتها و نساايها حتى انت .. هادو غير خدامي ديال سلك .. و لكن ماعلييش .. غانختار احسن زوج .. كاينة وحدة بليل و وحدة بنهار "" 

جاوباتو برفض و قالت :"" مالك على زوج .. وحدة صاافي مااالنا حمد الله مستورين .. ماعنداش الكراء لي نهزو ليه الهم .. حق باك من الورت و خلاه ليك .. و الصير راك معاون انت و اختك شيماء .. مالك تض*ب فتمااارة هكا كيف حمار الطاحونة "" 

جاوبها و قال :"" الوااالدة .. انت كاتبسطي فالامور حتى نيت كاتبان بحال والو .. و لكن انا ماراضيش بهاد العيشة .. كولشي كانتزقرمو فيه .. و انا ماراضيش ختي تصرف معايا .  راه انا الراجل ديال الدار و مانرضاش شي حد ينعت فيا .. و زايدون ياك انت باغياني نتزوج .. اوى راه خاصني نجمع الفلوس باش نقدر ننزوج .. اولا ؟"" 

جاوباتو بفضول و قالت :"" وا هي حاط عينيك على شي وحدة .. سمع ااه نقول ليك .. ماغاتزوج غير بلي انا بغيتها ليك .."" 

جاوبها و هو كايشوف فيها بنصف عين و قال :"" و شكون هادي لي غاتختاريها ليا .. البيل**نة عاوتاني؟!!"" 

جاوباتو و قالت :"" و ماالك كاتقول فيها هكاك .. علامن نظل نجمع مع العيلات و كولشي عيالات الحي تصاحبت معاهم و نظل نجمع مع طيابات الحمام و كل 4 ايام نمشي ليه غير كانديرها سبة باش نلقاها ليك .. اه ..؟!!"" 

جاوبها و هو كايربت على حناكها بلطف و قال :"" نساااي عليا الواالدة دووك الخراايف راه ماكاينش داكشي ... "" 

حيدات يدو و قالت :"" هانتا اولدي .. قلب حتى انت راه موصية شيماء حتى هي .. ماتنساش راه شعرهم و جلدهم ابيض و عيونهم يمكن كايبريو بحال الجوهر و لا معرفت كيفاش قالت ليا .. "" 

ضحك و جاوبها ساخر :"" و ما ماكاتشعلش الضو ؟"" 

ض*باتو على كتفو و قالت :"" ماكانضحكش الحلوف .. حل عينيك و رد البال راه تقدر طيح فيها .. "" 

جاوبها و هو داخل للصالة كايقلب على التيليكوموند و قال :"" الغذاء الوالدة راه جعت ""

-------

جالسة الاء و خوتها و هدى كايتغداو .. 

شبع زياد ياله غاينوض و شاف فاختو بنصف عين حداه و هي كاتغدا .. دور يدو لتحتو و داير تجويف وسطها .. حزق فيها و نيشان حطها على نيفها .. لاحت لي فيديها و رجعات لور كاتضارب مع د*ك الضبابة الخضراء لي حط قدامها .. و ريحة الجيفة لي خنقها بيها .. 

ضحك هو و هدى .. اما زيد كيف عادتو كايخا** عليه و يعطيه دروس اداب الطعاام .. 

غوتات الاء و هي كاتقاوم شعورها بالغتيان وقالت :"" و اللهتا زدتي فييه .. اش هااد الفعاايل اصااحبي واه كانتغدا .. يااخ عاجبك حزااقك ؟؟"" 

ضحك و هو كايشنق عليها و قال :"" كيف جاااتك حزقة فطور البيض .. باقي خاصك تجربي حزقة اللوبيا ""

قال زيد :"" وا كانتغدااو ابناادم "" 

ضحك زياد و شاف فهدى لي كاتاكل و تضحك و قال :"" هدى عمرك جربتي .. غانرحم هاد المسكينة و نجرب فيك حتى انت "" 

جاوباتو و قالت :"" لاا اخويا .. حجارك يشدووك "" 

ضحك و جاوبها :"" اجي بما انني بوقوص و اخو صاحبتك .. ماتكونيش مزعوطة فيا و مخبياها "" 

ضحكات هي و الاء حتى بانت لهاتهم كاتلعب و قالت هدى :"" كيف غاانديير نتزعط فيييك اخويا و انت كاتحزق قدامي و تشممها لينا "" 

ضحك زياد و ض*باتو الاء فكتفو ضاحكة و قالت :"" الكا .. حمد الله هاد الجانب النتن ديالك ماشافتو غير هدى مسكينة .. نصيحة اخويا .. عمرك ديرها قدام شي وحدة عينك عليها حيت غاتهرب حتال القمر و مايكفيهاش "" 

جاوب زيد و قال :"" وا بصراحة .. القمر خاصكم نتوما بزوج تمشيو ليه و تهنيو البشرية من مصايبكم "" 

ضحكات هدى و جمعات الاء ضحكتها خنزرات فيه و فهدى  .. هز راسو فيها و هي دور وجهها كاتبرغم ..و قال :"" تخافي ماتحشمي.. معاش داخلة ؟  "" 

جاوباتو و قالت :"" الجووج و ماغاندير واالو .. رخفو عليا شوية "" 

وقف كايجمع الماعن و قال :"" غير بالشوية عليك .. ماقلنا والو .. غير هو رجعي للدار نيشان .. "" 

شافت فيه و قالت :"" علاش بنت ليك كانرجع عوجة "" 

تحنا كايهز شيء وهمي و هو كايقول : "" تي انا شفتك كلمتي بكلمتك  تصحابيني زياد لي مضسرك .. و الله يا والد*ك حتى نعاودك فالتترابي ""

مع تحنى ناضت كاتجري للحمام تغسل و تبعاتها هدى كاتضحك .. رجع كايجمع الماعن و ناض زياد كذلك كايضحك ...

رجعات الاء للدار مع 5 العشية ... زيد جالس وسط الصالة خدام فالحاسوب .. سلمات عليه و دخلات لبيتها بدلات و طلقات موسيقتها كيف العادة و هاد المرة نقصات و هي كاتنغر .. 

آلاء :"" نقصو لا يتم جاي داك المصيبة كايدق تاني .. و اصلا غايكون على سبة بسباب داكشي ديال الصباح .. زعما يقولها لخوتي ؟ ناري يسيقو ليا الخبار .. غايندموني و يرضوني انا السباب .. اصلا خاصهم غير السبة باش يعلقو على لبسي و خروجي .. اشنو ندير نطلبو ؟ لهلا يحييه .. اوى بقا غير هو نمشي نهضر معاه .. و اشنو ندير ماخاصهاش توصل للخوتي ؟ ""

راجع زين ال**بدين من الحانوت شاري بعض المشتريات .. حتى سمع صوت شي حد كايعيط باسمو .. دار وقف و تقدم ليه شاب صغير .. و قال :"" خويا زين ال**بدين بالرجوولة ""

جاوبو و قال :"" اش دااكشي تاني "" 

جاوبو و قال :"" هانتا هدا البيسي ديالي .. الحرام سيمانة و انا خدام على واحد البروجي .. جات البرهوشة ختي الصغيرة مسحات الزمر كامل و انا غانقدمو غذا و مابقاش ليا الوقت فين نصايبو .. انت عندك مع هادشي .. ضبر كيفاش ترجعو الله يحفظك "" 

جاوبو زين ال**بدين و قال :"" مسخووط انت .. كل مرة جاي بمصيبة هذا راه غير زبل .. لوحو راك هلكتيه ""

جاوبو بترجي :"" الله يرحم الميييمة .. عتق خووك الله يحفظك و بحلاوتك "" 

ضحك زين ال**بدين و قال :"" بحلاوتي .. و منين غاتجيب هاد الحلاوة .. ارا ارا لهنا رجع ليه بالليل انا غانشوف "" 

جاوبو و قال :"" الله يحفظك .. ها انت عنداك توقع ليه شي حاجة هو راس مالي بالرجوولة "" 

جاوبو زبن و قال :"" وا صافي فهمنا .. حيد من وجهي""

دازت الاء قدام خوها مبدلة .. و قالت :"" انا خارجة عند هدى ناخد عندها شي دفتار "" 

طل من تحت نظاراتو و قال :"" اشمن دفتار الكذابة .. قولي غاديا تجلوقي فالزناقي "" 

جاوباتو و قالت :"" انا دغيا غانرجع "" 

رجع حدر عينيه لشغلو و قال :"" و الى كنتي خارجة هزي معاك الزبل لوحيه "" 

جاوباتو و قالت :"" دابا يخرجو زياد.. انا كولي نمشي للبركاصة نلوح الزبل  "" 

جاوبها و قال :"" مانعاوش  الهضرة "" 

جاوباتو بتذمر و هي كاتنغر  و قالت :"" وا حشوومة عليك .. مابقيتش غاادية انا غااع "" و تمات راجعة لبيتها ..

جاوبها و قال :"" وا الى ماعندك مايدار طلعي سيقي داك السطح راه ولا مغبر "" 

رجعات غادية للباب و قالت :"" انا خاارجة "" 

بلا مايهز عينو قال :"" الزبل "" 

رجعات و قالت :"" ماخارجاش "" 

و رجع قال :"" السطح "" 

رجعات غادية للكوزينة مفقوصة و هي كاتخبط برجليها :"" اوووووف ""

خارجة آلاء بسطلها ديال الزبل كاتخبط ف*جليها و تسب كيف عادتها .. 

آلاء : انا الاء الجمال و الاناقة كانمشي للبركاصة نلوح الزبل .. كيفاش غانتقدم فحياتي و خوتي براسهم ما مادايرينش ليا قيمة .. و لكن غانتطور و يوليو يقلبو عليا للدواء و مايلقاونيش .. البغااال...

هزات عينيها بغير اهتمام و هي تقلس و تخبات فخوية ديال دار دازت عليها .. كان زين ال**بدين واقف كايتكلم مع الشاب .. 

عضات على شفايفها و قالت :"" ناري هاهو .. غايتلاقاو كيف عادتهم فصلاة العشاء..و انا خاصني نتأكد انه مايوصلش مصيبة ديال الصباح لخوتي .. نمشي نهضر معاه ؟ الى هضرت غادي تحل ليه و يهز عليا خنافرو للسماء و انا مستحيييل نعطيه فرصة "" 

بان ليها جاي و هي تبدا تشطح بالسطل فيديها  ماعرفت تبقا تابتة مخبية و لا دير راسها غادية .. حتى كايبان ليها موطور 103 فييه 2 جايين طايرين بالخرشاش .. خ*فو ساك البيسي من يد زين ال**بدين .. لي غوت " وااااهيااا ... شد شد شد "" و جرا تابعهم مضارب مع كلاكيطتو لي تقلاتو .. كولشي ولاد الدرب انتابهو و بداو يجريو على امل يلحقوه .. 

داز الموطور فاتجاه ألاء لي حالا فمها فلي وقع .. غير وصلو حداها ماحسات حتى هزات الطارو بالجهد فطريقهم دخلو فيه .. جاهم نيشان فالكمارة ... تشتت و طار الزبل فالسماء .. طاح الموطور بروايضو كايضورو و دوك الجوج ماعرفو اش وقع و منين نزل عليهم داك الطارو و زبل الحووت .. تجمعو الجقلة و هي تعلق آلاء لدارها .. دخلات و هي تزدح الباب و تكات عليه مخرجة عينيها كاتعض ظفارها.. هزات راسها لقات خوها قدامها و قال :"" مالك انت ؟ اش هاد الصداع برا "" 

جاوباتو و عينيها خارجين :" ها .. ا .. واحد الشفارة ..شفرو ولد الجيران و شدووهم .. "" 

جرها و قال :"" حيدي خليني نشوف اش وااقع "" 

شداتو و قالت :"" لا .. لا .. "" 

تحل باب الدار بالساروت و دخل زياد كايضحك ..

خرج زيد شوية و كايشوف فالجوقة مجموعين و باااينة بلي كايغيزو ليهم .. رجع شاف فزياد و قال :"" اش واقع "" 

ضحك زياد و قال :"" مافخبااركش؟ .. سول اختك هههههه "" 

كانت الاء من الداخل كاتزاوغ فيه يسكت .. غير دار عندها و هي تزم فمها و سولها :"" اش دخلك انت فهادشي .. اصلا غير د*ك الخبطة ديال الباب لي درتي و عينيك لي كايضورو باينة من الطياارة درتي شي فعلة "" 

تخبات ورى زياد لي كايضحك و قال :"" شوف الطارو "" 

طل زيد و رجع شاف فيهم و قال :"" مالو تشخشخ هكاك .. تي اش درتي البنت  "" 

زادت تخبات ورى خوها لي كايضحك و قال :"" جاي من راس الدرب ..حتى شفت واحد زوج غفلو زين ال**بدين و طيرو ليه بيسي من يدو .. نيشان ماجاو غير فالطارو لي هزات ختك طيحاتكم كاو كيتركلو فالارض .. ماعرفو داك الزبل من اشمن جايحة نزل عليهم ..ههههههه تا بربي حتى طيراااتو ليا .. دارت فعلتها و علقت هههه مالك هربتي ؟"" 

جاوباتو و قالت :"" غايعقلو عليا ..يتلقاو ليا فشي درب ماكايخرجش "" 

ضحك زياد و قال :"" على هما شافوك .. راك درتي لبوهم التشاش و و ريحة الزبل شقلبات ليهم الطباسل و على داك عرام الدجاج لي دايرين ليهم دابا .. موحال يعقلو حتى على سمياتهم هههههه مسخووطة الوالدييين .. ض*بي و تعلقي .. "" 

زيد :"" ههههههههه زيد نشوفو اش وقع "" 

جاوبت الاء و قالت :"" لا ... لا بلاش .. اش بغينا فيهم "" 

خرج زيد و خلاها كاتهضر .. اما زياد كايشوف فيها و يضحك .. خنزرات فيه و ض*باتو على كتفو و قالت :"' كاتضحك ..عاجبك الحال "" 

جاوبها و قال :"" وا انت لي خلطتيهم بسطل شكون قالها ليك .. ديريها و من بعد تبركي ترعدي "" 

جاوباتو و قالت :"" ماحسيت براسي حتى ض*بتهم بالسطل .. كانو غايرزيو الدري مسكين فبيسيه .. 4 سنين و هو غادي جاي بيه .. ""

ضحك و جرها مخرجها و قال :"" اختي الظرافات .. اوى اجي نديرو يدينا مع ولاد الدرب باش مانتسماوش خارجين من الجمااعة ""

----- 

جرها بالزز منها و خرجها و هي مخبية وراه .. لقاو زيد كايفك و كايقول براكة عليهم .. اما زين ال**بدين لقا فيمن يبرد غدايدو... بارك على البوطيات .. هاذي تنفع هاذي تضر حتى ناض .. و قال :"" يااله نوضو على سلامتكم .. و باقين دورو بهاد السيكتوور .. ها ولاد الحومة غااع عقلو على واالد*كم .. براهش قلال الترااابي "" 

ناضو البراهش هربانين زحفا .. و كلها يلغي بلغاه و شي كايعاود لشي اش وقع ..

قال زيد لزين :" واا على طرحة عطيتيهم اصاحبي ..""

جاوبو زين و هو كاينفض حوايحو و يقادهم و قال :"" ماكاين غير لي يصعرك .. وا كاتكون هاني حتى يخرجو ليك البراهش من شي قنت .. يستااهلو .. كانو باغين يطغو البيسي صدقو داخلين فطارو دزبل و زادوها بطرحة العصا "" 

بعدما كمل جملتو وقف زياد و اختو مخشية وراه كاتطل .. شاف فيها زين ال**بدين لبرهة كايطلع و ينزل و قال :"" ماااعلييكش ....""

شافت فيه بنصف عين و ماجاوبتش .. ضحك زياد و قال :"" اختي الرجوولة "" 

خنزرات فيه و قالت :"" احتارم راسك اشمن رجوولة ""

وقفات شيماء كاتشوف فالروينة و الناس لي بداو يتفرقو .. ماحتاجتش ذكاء باش تعرف خوها طايح فمصيبة اخرى .. قالت السلام و كلهم ردوه عليها ..و كملات :"" اش وقع ازين ال**بدين "" 

جاوبها و قال :"" والو شي براهش سخن عليهم راسهم بغاو يطيرو ليا هاد البيسي ديال الدري .. و لكن جاب الله جات الدرية ..."" 

قاطعاتو الاء كاتعوج سيفتها و قالت :"" آلاء .. آااالاااء "" 

شاف فيها .. سكت شوية و رجع قال :"" اه .. الاء .. كانت هازة طارو .. و ض*باتهم بيه طاحو و غيزنا ليهم "" 

شافت فيه شيماء بصدمة .. و رجعت شافت فالاء و هي تبدا تضحك و دايرة يدها على فمها .. و قالت :"" مايمكنش .. واش نييت درتييهااهههه عفرييييتة "" 

جاوبت الاء ضاحكة و قالت :"" اختي ماجات لابسنطيحة لا شجااعة لا والو .. راه غير يدي خفيفة .. ماكانعقل حتى كايفوت الفوت ... "" 

ضحكات شيماء و قالت :"" و اللهما هكا و لا واالو هههه "" 

زيد :"" اودي اختي شيماء غير كايبان ليك .. هاد الخفة ديالها راه ممكن تطيح فشي مصيبة تكون بوحدها ماتلقا ليها تخريجة "" 

جاوبو هاد المرة زين ال**بدين و قال :"" بالصح .. ضروري خاصها تعرف كيفاش تتصرف و امتى تتصرف .. الوقت خياابت "" 

و شاف فيها بنصف عين .. فهمات هضرتو و بركات تضور فعينيها بين خوتها و بينو هو .. و تعض على شفايفها .. و اخيرا نطقات شيماء و قالت :"" هاد الزبل ماخاصوش يبقا دايع هكا فالطريق ""

شاف زيد فاختو نطق و قال :"" و بما انك الالة شتتي هادشي .. انت لي غاتجمعيه .. ياله مانلقا حتى حاجة قدام الدار "" 

شهقات حالة فمها و قالت :"" دابا شنااهوا .. من هاد العمل البطوولي لي كانستاهل عليه وسام .. نوض نجمع الزبل من الزنقة .. ماحشمتيش ؟!"" 

دوز زياد يدو على وجهها و قال :"" اش هاد النبرة المرجلة عااد قلتي ليا احتارم راسك حيت قلت ليك رجولة .. فين مشات الانوتة "" 

ض*بات يدو و قالت :"" كل حاجة بوقتها .. و انا ماغانجمعش هاد الزبل "" 

زيد :"" لا احبيبة غاتجمعيهم "" 

شافت فزياد و قالت :"" ماما عتقني "" 

نطق زين ال**بدين و شيماء فنفس الوقت و قالو مستغربين :"" ماما ؟!!!"" 

ياله غاتحل فمها تشرح و هو يسدو ليها و هو كايضحك بتوتر و قال :"" ماتديوش عليها .. برهوشة كاتخربق "" 

شاف فشيماء لي كاتكبت ضحكتها ... و تحلف حتى يندم الاء على ش*هتو قدام شيماء ..

نطقات شيماء هاد المرة و قالت :"" ماعليش صافي الزبل نجمعو انا هانية .. "" 

نطق زياد دغيا و قال :"" لا غاتجمعو هاادي .. راه غير كاتهضر "" 

خنزرات فيه الاء و خمج وجهها حدر عينيها و هو كايضحك لشيماء ..

نطق زين ال**بدين كايمزح  :"" غايجمعوه بزوج ""

ياله غاتخنزر فزين ال**بدين و تفكرات بلي هو ماشي من خوتها .. و عاد قا**ها بشوفة .. شوفة مامألوفاش ليها .. غريبة عليها .. تراجعت و دورات وجهها كاتفقص ..

نطق زيد و قال :"" و انا نرجع لشغالي .. "" 

دخل زيد و زياد و معاهم الاء .. و دخلو البقية حتى هما لدارهم .. 

من بعد شوية خرجات الاء هازة شطابة و بالة و لقات شيماء ياله غاتجمع حتى هي و قالت ليها ..

شيماء :"" غير دخلي احبيبة انا نجمعو بالخف "" 

جاوبتها الاء و قالت :"" كنت نديرها قد فمك .. كون ماكان داك البغل حاضيني من السطح .. بلا ماتهزي عينيك  "" 

ضحكات شيماء و قالت :"" هههه اوى غير ديري راسك غادي تديري يد*ك و صافي هههه"" 

تحنات الاء و قالت:"" ماشي لد*ك الدرجة .. راه دغيا نجمعووه .. "" 

جمعوه فبلاصة وحدة و خرج عندهم زين ال**بدين هاز بلاستيكة للزبل يجمعوه فيها .. هزاتو شيماء و رماتو وسط البلاستيكة لي هازها .. جات نوبة الاء تلوح لي جمعات هي .. هزات عينيها فيه .. تقابلو بزوج لتانية و قالت :"" تعادلنا ماكاتسالني ماكانتسالك "" 

ابتاسم باستغراب و قال :"" مافهمتش "" 

حدرات عينيها دايرة راسها كاتكب فالبلاستيكة و قالت :"" داكشي لي وقع الصباح .. عتقتينا و دابا عتقتك .. دابا ماكاتسالني والو  يعني ماغاتقولهاش لخوتي .. " 

جاوبها و قال :"" ماكنتش ناوي نقول شي حاجة .. بينك و بين خوتك  "" 

هزات عينيها فيه و قالت :"" واااو .. فرق كبير بين الصبااح و دابا "" 

قاطعتهم شيماء لي رمات الباقي فالبلاستيكة و قالت :"" صافي سالينا "" 

جاوب زين ال**بدين و قال :"" ياله دخلو .. انا غانلوحو "" 

دخلات شيماء و هو مشا يلوحو .. هزات الاء شغلها و رجعات للدار .. 

دخلات و نيشان غسلات يديها و دخلات للصالة جلسات .. لقات خوها موجد الغوتي .. جلسات تاكل و هو جالس حداها باقي خدام ... هبط زياد من السطح و جلس معاهم .. شاف فختو و قال :"" شحال من مرة كانقول لمك ماتقوليش ليا ماما قدام النااس ""

جاوباتو و هي كتاكل و قالت :"" عادي عادي .. راك ماما اصلا "" 

نزل عليها للق*فادة و قال :"" انا جداااك "" 

جاوباتو و قالت :"" حتى جدة مزيانة "" 

نزل عليها تاني و قال :"" قدام النااس انا خووك"" 

جاوباتو و قالت :"" و على انت شي حاجة من غير خويا ؟"" 

جاوبها و قال :"" اه .. فهميها لراسك .. انا خوك و انت كاتعيطي ليا ماما "" 

جاوباتو و قالت :"" يحصل ليك الشرف نعيط ليك ماما و زايدون مالك على هاد العياقة ماسمعنا حد "" 

ض*ب على يدو و قال :" الاا .. سمعووونا لمك سمعووووونا "" 

شافت فيه باستغراب مرجعة راسها لور .. قربات ليه و قالت :"" شكوون لي سمعونا "" 

جاوبها بفقصة و قال :"' هادوك لي ماكانش خااصهم يسمعووها سمعوووها لمك ..""