SUMIMSIM si Amber sa cocktail na hawak niya. Narito siya ngayon sa Krypton Lounge at nakiki-party sa pagkapanalo ng Heartbreaker Team kanina.
Dahil wala naman siyang kaibigan doon at iniwan na rin siya ni Ivo, naroon lang siya sa bar counter at nagmamasid sa paligid. Kakausapin lang daw ni Ivo ang management doon. Pagmamay-ari pala nito ang bar na iyon.
“Ten minutes pa lang ang nakakalipas, may bagong babae na kaagad.”
Ang tinutukoy niya ay si Grey. Kasama nito si Revin na nasa tumpok ng mga babaeng bisita ng mga ito. Si Joru ay nakita niyang nasa isang sulok ng counter kaharap ang ilang bote ng alak. Lalapitan niya sana ito pero parang mangangain ito ng tao. Si Van ay kasama pa rin si Alexa. Si Rowie naman ay nakita niyang lumabas kanina.
Napailing-iling siya nang makitang kaliwa’t ka
