THIRD PERSON POV:
PARANG lulukso ang puso ni Hannah pagbaba niya ng taxi sa tapat ng bahay nila. Sobrang lakas ng kabog ng dibdib nito at damang-dama ang pangangatog ng kanyang mga tuhod. Napatingala siya sa bahay. Wala namang kakaiba sa itsura nito. Nakasarado ang gate pero hindi naman iyon naka-lock. Nandidito rin sa maliit nilang garahe ang sasakyan ng kanyang ama dati.
Napapikit ito. Humingang malalim. Ilang beses napabuga ng hangin para ibsan ang kabang nadarama nito. Nang mas makalma na niya ang sarili, dahan-dahan na nitong inihakbang ang mga binti nitong nangangatog. Mahigpit ang kapit sa laylayan ng damit nito na maingat bawat paghakbang.
Nangangatal ang kamay nito na dahan-dahang binuksan ang gate saka pumasok. Napapalunok ito na kakaiba ang kaba at takot na bumabalot sa kan
